EURO-2024: Qazaqstan quramasy qatarynan úsh matchta jeńiske jetti

Fýtboldan 2024 jyly ótetin Eýropa chempıonatynyń irikteý týrnırinde Qazaqstan ulttyq quramasy tórtinshi matchynda syrt alańda Soltústik Irlandııa komandasymen kezdesti.

Matchta Qazaqstan quramasy alań ıelerin 1:0 esebimen utyp, týrnır kestesinde ekinshi orynǵa kóterildi. Matchtyń 88-mınýtynda Abat Aıymbetov ulttyq qurama sapyndaǵy segizinshi golyn salyp, Qazaqstan quramasy jeńis syılady.

Odan basqa H tobynda Fınlıandııa quramasy San-Marınony 6:0 esebimen jeńse, Slovenııa men Danııa quramalary 1:1 esebimen teń tústi.

Endi ulttyq qurama 7 qyrkúıekte óz alańynda Fınlıandııaǵa qarsy oınaıdy. Odan keıin 10 qyrkúıekte Soltústik Irlandııamen kezdesedi.

Qazaqstan quramasy osymen úshinshi oıyn qatarynan jeńiske jetti. Euro-2024 irikteýinde alǵashqy matchta Slovenııa quramasynan 1:2 esebimen jeńilip, odan keıin Danııa (3:2), San-Marıno (3:0), Soltústik Irlandııa (0:1) quramalaryn utty.

Soltústik Irlandııa – Qazaqstan – 0:1 (0:1)

Gol: Abat Aıymbetov 88;

Eskertýler: Djordj Sevıll 66 – Nuraly Álip 67, Ashat Taǵybergen 70;

Soltústik Irlandııa: Beılı Pıkok-Farrell, Djordan Tompson (Kıaron Braýn 84), Kreıg Katkart, Djonnı Evans (Konor Makmenamın 63), Patrık Makneır, Treı Hıým, Alıster Makkann (Deıl Teılor 71), Djordj Sevıll, Shı Charlz, Dıon Charlz (Sheın Laverı 72), Aızek Praıs;

Qazaqstan: Igor Shakıı, Ian Vorogovskıı, Nuraly Álip, Marat Bystrov, ​Aleksandr Marochkın, Mıhaıl Gabyshev, Ashat Taǵybergen (Erkin Tapalov 81), Abzal Beısebekov, ​Baqtıer Zaınýtdınov (Islambek Qýat 74), Ramazan Orazov (Elhan Astanov 81), Maksım Samorodov (Abat Aıymbetov 81);

Bas tóreshi: Roı Raınshraıber (Izraıl).

19.06.2023. «Ýındzor Park», Belfast, Soltústik Irlandııa.

Dastan KENJALIN,

ASTANA