كريشتيانۋ رونالدۋ ەۋروپاعا ورالۋى مۇمكىن  

ساۋد ارابياسىنىڭ «ءال-ناسر» كلۋبىنىڭ شابۋىلشىسى كريشتيانۋ رونالدۋ ەۋروپاعا قايتىپ ورالۋى مۇمكىن. ول كەلەسى فۋتبول ماۋسىمىندا گەرمانيانىڭ بۋندەسليگاسىندا ويناۋى مۇمكىن دەگەن حابار شىقتى. بۇل تۋرالى پورتۋگاليانىڭ ا Bola سپورت باسىلىمىنا سىلتەمە جاساعان Sport.novyny.live حابارلادى.

باسىلىمنىڭ حابارلاۋىنشا، 38 جاستاعى فورۆاردقا دورتمۋندتىڭ «بوررۋسيا» كلۋبى كوز تىگىپ وتىر. بۇل كوماندا چەمپيوندار ليگاسىنا ءجيى شىعىپ جۇرگەن كلۋب.

قازىر گەرمانيا كلۋبى وعان ۇسىنىس دايىنداپ وتىر. كلۋبتىڭ باسشىلىعى شابۋىلشىنى جارتى جىلعا جالعا العىسى كەلەدى. «بورۋسسيا»  كريشتيانۋ رونالۋدى كوماندانىڭ چەمپيوندار ليگاسىنىڭ پلەي-وفف اينالىمىنا شىعۋىنا  كومەكتەسە الادى دەگەن سەنىم ءبىلدىرىپ وتىر.

سونىمەن بىرگ، رونالدۋعا ليسسابوننىڭ «سپورتينگ» جاساعى دا ۇسىنىس دايىنداپ جاتقان كورىنەدى. كلۋب وكىلدەرى رونالدۋدى «ءال-ناسردان» كەيىن ءبىر ماۋسىم بولسا دا ءوز ەلىنىڭ كلۋبىندا وينايدى دەپ ۇمىتتتەنىپ وتىر.

داستان كەنجالين،

استانا