Qaımaǵy buzylmaǵan Qosaǵash (FOTO)

Mońǵolııanyń Ulan-Batyr, Nalaıh, Hovda, Baıan-О́lgeı aımaqtarynda bolǵan kezdesý Altaı Respýblıkasynyń Qosaǵash aýdanynda jalǵasty.

Orys, altaı, qazaq halyqtarynyń tatýlyqty tý etken mekeninde quramynda «Otandastar» qorynyń prezıdenti Abzal Saparbekuly jáne Parlament depýtattary Ǵalıasqar Sarybaev pen Bolat Kerimbek pen bir top zııaly qaýym ókilderi bar resmı delegaııany Qosaǵash aýdanynyń ákimi Serikjan Murathanuly men aýdan máslıhatynyń tóraǵasy Sanash Dıdýnov shekara shebinen qarsy alyp, Altaı qazaqtarynyń murasy saqtalǵan Jańa aýyl eldimekenine alyp bardy. Delegaııa músheleri óńirdiń turmys-tirshiligimen tanysyp, osyndaǵy ulttyq qundylyqtar dáriptelgen murajaıdy aralady.

Altaı Respýblıkasynda aýmaǵy jaǵynan eń úlken jáne úsh birdeı elmen shekaralas jatqan (Mońǵolııa, Qazaqstan, Qytaı) Qosaǵash aýdanynyń halqy qazaqy dástúri men saltyn jaqsy saqtaǵan. Atap óterligi, Reseıdegi qazaq tilinde 1-5 synyptarǵa arnalǵan oqýlyq ótken jyly osy jerde ustazdardyń uzaq jylǵy eńbegimen osy aýdanda qoldanysqa endi.​

Halyqpen kezdesý, turǵyndarmen tildesý aýdan ortalyǵynda ornalasqan saıabaqta resmı delegaııamen qatar júrgen qaraǵandylyq «Táttimbet» atyndaǵy akademııalyq ulttyq aspaptar orkestrdiń saltanatty konertimen jalǵasty. Bul is-sharalar Reseı halqynyń Otbasy kúnimen oraılas keldi.

Qazaqstan táýelsizdik alǵannan beri alǵash ret osy deńgeıde qazaqsha konert tyńdaǵan Qosaǵashtyqtar erekshe qýanyshqa bólenip, kózderine jas aldy. Atamekennen alysta jatqan Altaı qazaqtarynyń kóńili marqaıyp, rýhy asqaqtap, Qazaqstanǵa duǵaı sálemderin jetkizdi.​

Is-shara sońynda aımaq halqynyń birligi, qazaq tilin saqtaý jolynda aıanbaı eńbek etip júrgen Qosaǵashtaǵy qazaq mádenı ortalyǵynyń basshysy Arqalyq Sultanov Qazaqstan prezıdenti Qasym-Jomart Toqaevtyń tós belgili Alǵys hatymen marapattaldy. Sonymen qatar aýdan ákimi Serikjan Murathanuly men aýdan májilis tóraǵasy Sanash Dıdýnovqa «Otandastar» qorynyń alǵys haty men «Alǵys» estelik medali tabys etildi.

Basqosý aıaqtalyp, delegaııa quramy elge qaıtar tusta «Qazaqstan ketip bara jatyr» — dep qushaqtap, qımastyqtyń kóz jasyna erik bergen turǵyndar, uzaq ýaqyt kóz almaı jolǵa shyqqan kólikke qarap turdy.

«Otandastar qory» baspasóz qyzmeti

FOTO:  «Otandastar qory» baspasóz qyzmeti