SportPress.kz Qazaqstan sport jańalyqtary
Jýyrda Altaı ólkesiniń Barnaýyl qalasynda Qaraǵandy oblysy «Táttimbet» atyndaǵy akademııalyq ulttyq aspaptar orkestriniń «Uly Dala sazy» atty konerti ótti.
Táttimbet atyndaǵy akademııalyq orkestr álemniń 40-tan astam elinde gastroldik saparda bolyp, álemge tanylsa da Barnaýlda Qazaqstannyń Syrtqy ister mınıstrligine qarasty «Otandastar» qorynyń uıytqy bolýymen birinshi ret óner kórsetti.
Konerttiń ótýine septigi tıgen taǵy bir uıym – Altaı ólkesindegi Qazaq ulttyq avtonomııasy. Avtonomııa jetekshisi Murat Bekmuratovtyń aıtýynsha, ulttyq áýender babalar rýhyn oıatady. Bir jarym saǵatqa sozylǵan konerttiń sońynda qandastarymyz «Atameken» ánin qosyla shyrqady.
Táttimbet atyndaǵy akademııalyq orkestr múshelerine Altaı aımaǵynyń gýbernatory Vıktor Tomenko, Altaı aımaǵynyń zań shyǵarýshy organynyń tóraǵasy Aleksandr Alekseevıch Romanenko, Barnaýyl qalasynyń ákimi Vıacheslav Genrıhovıch Frank jáne Barnaýyl qalalyq dýmasynyń tóraǵasy Býevıch Galına Aleksandrovna ystyq yqylastaryn bildirip, arnaıy gúl shoqtaryn jiberdi.
Qazaqstan Respýblıkasy Parlamentiniń depýtattary Ǵalıasqar Sarybaev pen Bolat Kerimbek jáne jazýshylar Bota Baman, Jádı Shákenuly, Kádirbek Qunypııauly, jýrnalıst Aýyt Muqıbekuly bar zııaly qaýym ókilderi jergilikti turǵyndarmen tildesip, usynys pikirlerán tyńdady.
Konerttiń jabylý saltanatyn túıindegen «Otandastar» qorynyń prezıdenti Abzal Saparbekuly óz sózinde strategııalyq áriptes eki el arasynda saıası-ekonomıkalyq, ınvestıııalyq yntymaqtastyqpen qatar, mádenı-gýmanıtarlyq baılanystar joǵary deńgeıde ekenine toqtalyp, osy konert te halyqtar arasyndaǵy dostyq qarym-qatynasqa oń septigin tıgizedi dep senim bildirdi. Jalpy, «Otandastar» qorynyń etnıkalyq qazaqtarmen qatar, kezinde Qazaqstanda týyp ósken, keıinnen óz tarıhı otanyna oralǵan burynǵy otandastarmen de jumys júrgizýge jaýapty resmı mekeme ekenin atap ótti.
Sondaı-aq, Qor basshysy Abzal Saparbekuly Altaı ólkesindegi Qazaq ulttyq avtonomııasynyń jetekshisi Murat Bekmuratovty Qazaqstan Respýblıkasy Prezıdenti Qasym-Jumart Kemeluly Toqaevtyń tós belgisimen jáne Alǵys hatymen marapattady. Sonymen qatar, birqatar belsendi azamattarǵa, atap aıtqanda, Janat Myrzahmetulyna, Janar Súleımenovaǵa, Baqytjan Soltanǵazınovaǵa, Aıda Rýslanqyzy Beksultanovaǵa «Otandastar» qorynyń Alǵys haty men «Alǵys» estelik medali tabys etildi.
«Otandastar qory» baspasóz qyzmeti
FOTO: «Otandastar qory» baspasóz qyzmeti
