Astanada tennısten Prezıdent kýbogy úshin halyqaralyq týrnırler ótedi

23 shilde men 6 tamyz aralyǵynda Astanada Prezıdent kýbogy Forte Series aıasynda Beeline arena Ulttyq tennıs ortalyǵynda ATP Challenger Tour jáne ITF World Tennis Tour týrnırleri ótedi, dep habarlady Qazaqstan tennıs federaııasy.

Bıyl Prezıdent kýbogy úshin jarysta el namysyn erler arasynda Mıhaıl Kýkýshkın, Dmıtrıı Popko, Denıs Evseev, Grıgorıı Lomakın, Maksım Batıýtenkolar qorǵaıdy.

Áıelder arasynda Gózal Aınıtdınova, Jibek Qulambaeva, Arýjan Saǵyndyqova, Sandýǵash Kenjebaeva men basqa da tennısshiler óner kórsetedi.

Bul týrnırde kezinde qazirgi kúni álemdegi úzdik tennısshilerdiń qataryna kiretin Danııl Medvedev (ATP №3), Andreı Rýblev (ATP №7), Karen Hachanov (ATP №11), Sebastıan Korda (ATP № 28), Roman Safıýllın (ATR №43), Mıomır Kemanovıch (ATP № 44), Maks Persell (ATR №71) pen basqa sportshylar baq synady.

Prezıdent kýbogy 2007 jyly halyqaralyq mártebege ıe boldy. Ár jyldary qazaqstandyqtar Mıhaıl Kýkýshkın men Andreı Golýbev, ýkraınalyq Ilıa Marchenko, avstrııalyq Sebastıan Offner, Germanııa quramasynyń qazirgi kapıtany Raıner Shýttler, Avstralııa ashyq chempıonaty men «Rolan Garros» týrnıriniń jeńimpazy, horvatııalyq Ivan Dodıg, juptyq synda «Úlken dýlyǵa» týrnıriniń eki dúrkin chempıony, qytaılyq Chjan Shýaı sekildi tennısshiler úzdik shyqty.