SportPress.kz Qazaqstan sport jańalyqtary
Atyraý qalasyndaǵy «Jılgorodok» atanyp ketken kópir astynda ardagerlerge arnalǵan shaǵyn fýtbol alańnyń qurylysy bastaldy. Bul alańdy ardagerlerge arnap belgili kásipker, «Sanjar» qoǵamdyq birlestiginiń tóraǵasy Nurlan Jolbolov salyp jatyr.
AtyrauPress-tiń habarlaýynsha, alańnyń dop tebetin aýmaǵynyń ózi myń sharshy metrge jýyqtaıdy. Budan bólek, onyń syrty qorshalyp, aınalasyna 100-ge jýyq aǵash egiledi. Kelýshilerge yńǵaıly bolý úshin kólik qoıatyn oryn salynyp, bıodárethana da qoıylady. Kórermender úshin 80-100 orynǵa arnalǵan trıbýna salynady.
Ardagerler sportyna kóńil bóliný qajet. Máselen, fýtbolshylar 35 jastan soń kásibı túrde bul oıyndy oınaı almaıdy.. Olarǵa sportsyz ómir súrý qıyn. Qazir men únemi qoldap, demeýshilik jasap kele jatqan «Sanjar» ardagerler fýtbol komandasynda «sport dese ishken asyn jerge qoıatyn» 12 adam bar. Olardyń arasynda 40-70 jastan asqan kisiler dop teýip júr, — dedi kásipker.
Sondyqtan, onyń aıtýynsha, ardager fýtbolshylarǵa kásipqoı sporttan ketkennen keıin ony birjolata tastap ketýge bolmaıdy. Qazir ózi qurǵan «Sanjar» ardagerler fýtbol komandasynda ártúrli deńgeıdegi jarystarda jeńimpaz atanyp, Atyraýdyń namysyn qoldan bermeı keledi. Sonyń ishinde komanda birneshe ret Qazaqstan chempıony da atanǵan.
Osyǵan deıin biz yńǵaıy kelgen jerde, aqshasyn tólep jattyqtyq. Al mundaı jaǵdaı árıne, qysy-jazy Atyraý oblysynyń chempıonatyna qatysatyn 100-200 fýtbol ardageri úshin fýtbol oınaý ońaı emes. Endi osy alań salynyp bolǵan soń sportshylar eshteńege alańdamaı jattyǵady, — dedi Nurlan Jolbolov.
Kásipkerdiń aıtýynsha,bul jerde basqa da sporttyq sharalar da ótedi. Bul ázirge ashyq alań bolady. Al bolashaqta qys mezgilinde de jattyǵýǵa yńǵaıly bolý úshin tóbesi men jan-jaǵy panelmen jabylady. Bul ázirshe jospar. О́ıtkeni, salynyp jatqan alańǵa bastapqy josparlanǵan somadan da kóp shyǵyn ketken. Máselen, bir ǵana dánekerleý jumystaryna 5 mln astam teńge jumsalǵan, gazonnyń ózi 6 mln, odan da basqa qurylys materıaldaryna da kóp aqsha jumsalǵan.
Shaǵyn fýtbolǵa arnalǵan alańdy salý jumystary 1 shildede bastaldy. 31 shildege deıin tolyq aıaqtalyp, pıadalanýǵa beriledi dep josparlanyp otyr.
FOTO: Atpress.kz
