اتىراۋدا دزيۋدودان قازاقستان چەمپيوناتى اياقتالدى

اتىراۋ قالاسىندا دزيۋدودان 1999 – 2001 جىلدارى تۋعان جاستار اراسىنداعى قازاقستاننىڭ جەكەلەي چەمپيوناتى اياقتالدى، دەپ حابارلادى سەمەي سپورت اكادەمياسىنىڭ ءباسپاسوز قىزمەتى.

2 ناۋرىز كۇنى باستالعان ەل دوداسىنا استانا، الماتى، شىمكەنت قالالارى مەن ەلىمىزدىڭ 14 وبلىسىنان 500-گە جۋىق دزيۋدوشى قاتىستى.

ءۇش كۇنگە سوزىلعان جارىستا الماتى قالاسىنىڭ قۇراماسى 4 التىن، 3 كۇمىس، 3 قولا جۇلدەمەن مەدال كەستەسىندە كوش باستادى. ال اتىراۋ وبلىسىنىڭ دزيۋدوشىلارى 3 التىن، 2 كۇمىس جانە 2 قولا جۇلدەمەن ەكىنشى ورىنعا جايعاستى. 2 التىن، 1 كۇمىس، 7 قولا جۇلدە يەلەنگەن شىعىس قازاقستان وبلىسىنىڭ جاستار قۇراماسى ۇزدىك ۇشتىكتى قورىتىندىلادى.

ايتا كەتەيىك، شىعىس قازاقستان وبلىسىنىڭ قۇراما كومانداسىنىڭ ساپىندا سەمەي سپورت اكادەمياسىنىڭ 11 شاكىرتى باق سىناسا، ونىڭ تورتەۋى قولا، بەرۋى التىننان مەدال تاقتى.

سەمەي سپورت اكادەمياسىنىڭ شاكىرتى ەسەنتاي يماحانوۆ (60 كگ)، داستان شاياحمەتوۆ (66 كگ)، جاناسىل ءانۋاروۆ (73 كگ) 3 ورىن، زارينا ساريپوۆا (63 كگ) قولادان مەدال تاقسا، قۋاندىق ستامپولوۆ 90 كگ سالماقتا چەمپيون اتاندى.