SportPress.kz Qazaqstan sport jańalyqtary
Atyraý qalasynda dzıýdodan 1999 – 2001 jyldary týǵan jastar arasyndaǵy Qazaqstannyń jekeleı chempıonaty aıaqtaldy, dep habarlady Semeı sport akademııasynyń baspasóz qyzmeti.
2 naýryz kúni bastalǵan el dodasyna Astana, Almaty, Shymkent qalalary men elimizdiń 14 oblysynan 500-ge jýyq dzıýdoshy qatysty.
Úsh kúnge sozylǵan jarysta Almaty qalasynyń quramasy 4 altyn, 3 kúmis, 3 qola júldemen medal kestesinde kósh bastady. Al Atyraý oblysynyń dzıýdoshylary 3 altyn, 2 kúmis jáne 2 qola júldemen ekinshi orynǵa jaıǵasty. 2 altyn, 1 kúmis, 7 qola júlde ıelengen Shyǵys Qazaqstan oblysynyń jastar quramasy úzdik úshtikti qorytyndylady.
Aıta keteıik, Shyǵys Qazaqstan oblysynyń qurama komandasynyń sapynda Semeı sport akademııasynyń 11 shákirti baq synasa, onyń tórteýi qola, berýi altynnan medal taqty.
Semeı sport akademııasynyń shákirti Esentaı Imahanov (60 kg), Dastan Shaıahmetov (66 kg), Janasyl Ánýarov (73 kg) 3 oryn, Zarına Sarıpova (63 kg) qoladan medal taqsa, Qýandyq Stampolov 90 kg salmaqta chempıon atandy.
