ۇلان-باتىر قالاسىندا ساداق اتۋدان جارىستىڭ جالاۋى جەلبىرەدى

موڭعوليا مەملەكەتى ءداستۇرلى ساداق اتۋدان ءى حالىقارالىق ءتۋرنيردى ۇلان-باتىر قالاسىندا ۇيىمداستىردى. قىركۇيەكتىڭ 5-9 كۇندەرى ارالىعىندا وتكەن بۇل جارىستا 27 مەملەكەتتىڭ الپىسقا جۋىق مەرگەندەرى باق سىنادى. بۇل تۋرالى قازاقستان ۇلتتىق سپورت قاۋىمداستىعى حابارلادى.

مەرگەندىك سايىسىنان موڭعوليادا ۇيىمداستىرىلعان ءى حالىقارالىق تۋرنير «ازيا ءستيلى»، «كورەي ءستيلى»، «ەۋروپا ءستيلى» جانە موڭعوليا ءداستۇرلى ساداق اتۋ ءستيلى بويىنشا ءوتتى. قارشاداي بالاسىنان، قاجىرلى قارياسىنا دەيىن ۇلتتىق ساداق اتۋدى ەجەلدەن ماشىق قىلاتىن موڭعوليا ەلىنىڭ مەرگەندەرى  وز استانالارىندا  وتكەن ءى حالىقارالىق ءتۋرنيردىڭ جۇلدەلى ورىندارىن تالاسسىز يەلەنگەن. ءتىپتى، ات ۇستىنەن ساداق اتۋدان الەم چەمپيوناتىنىڭ بىرنەشە دۇركىن جەڭىمپازى، ماجارستاندىق ايگىلى مەرگەن كريستوف ارپاتتىڭ وزىنە بۇل تۋرنيردە ءتورتىنشى ورىندى قاناعات تۇتۋعا تۋرا كەلىپتى.

سۋرەتتە: موڭعوليانىڭ ۇلان-باتىر قالاسىندا وتكەن ءى حالىقارالىق تۋرنيرگە قاتىسۋشى، ات ۇستىنەن ساداق اتۋدان حالىقارالىق جارىستاردىڭ بىرنەشە دۇركىن جۇلدەگەرى، ەلىمىزدىڭ ايتۋلى مەرگەندەرىنىڭ ءبىرى ەلدوس باداشەۆ.

موڭعوليا مەملەكەتى ۇيىمداستىرعان ءى حالىقارالىق تۋرنيرگە قاتىسۋشى 27 مەملەكەت قاتارىندا اقش، ساۋد ارابياسى، قىتاي، رەسەي، گەرمانيا، كانادا، تايلاند، اۆستراليا، فينليانديا سياقتى ءداستۇرلى ساداق اتۋ سپورتى دامىعان ەلدەر بار. بۇل جارىسقا ءبىزدىڭ ەلدەن حالىقارالىق جارىستاردىڭ جۇلدەگەرى، جۋىردا ات ۇستىنەن ساداق اتۋدان وڭتۇستىك كورەيادا وتكەن حV الەم چەمپيوناتىندا جۇلدەگەر اتانعان سۇرمەرگەن ەلدوس باداشەۆ قاتىسىپ قايتتى. ەسكە سالىپ وتەيىك، بيىلعى جىلى ءبىزدىڭ ءداستۇرلى ساداق اتۋشى سپورتشىلارىمىز ماجارستاندا وتكەن الەم كۋبوگىنا،وڭتۇستىك كورەيادا وتكەن الەم چەمپيوناتىنا، تۇركيادا وتكەن دۇنيەجۇزىلىك جارىستا باق سىنادى.