رىباكينا پرەزيدەنتپەن كەزدەسەدى (ۆيدەو)

13 ساۋىردە قازاقستاننىڭ ءبىرىنشى جانە الەمنىڭ جەتىنشى راكەتكاسى ەلەنا رىباكينا اقوردادا پرەزيدەنت قاسىم-جومارت توقاەۆپەن كەزدەسەدى.

وسىدان كەيىن تەننيسشى 14-15 ساۋىردە استانادا وتەتىن بيللي دجين كينگ كۋبوگى (Billie Jean King Cup) ءۇشىن ىرىكتەۋ كەزەڭىنە قاتىساتىن ۇلتتىق قۇرامانىڭ ساپىندا پولشا كومانداسىنا قارسى وينايدى.

ەلەنا رىباكينا Beeline Arena ۇلتتىق تەننيس ورتالىعىندا توپىراق توسەنىشىندەگى كورتتا الداعى باسەكەگە دايىندىقتى باستادى.

13 ساۋىردە كوماندالاردىڭ جەرەبە تارتۋ ءراسىمى بولادى. سودان كەيىن قۇرامالاردىڭ قاتىسۋىمەن باق وكىلدەرىنە ارنالعان ءباسپاسوز ءماسليحاتى وتەدى. وعان ەلەنا رىباكينا دا قاتىسادى.

14 ساۋىردە جەكەلەي سىندا ەكى ويىن وتسە، 15-ىندە ەكى جەكەلەي، ءبىر جۇپتىق كەزدەسۋ جوسپارلانعان.

قازىر ايەلدەر تەننيسى قاۋىمداستىعىنىڭ (WTA) جاڭارتىلعان رەيتينگىندە ەلەنا رىباكينا بۇرىنعىشا جەتىنشى ورنىن ساقتاپ وتىر. ال WTA چەمپيوندىق كەستەسىندە ول ەكىنشى ساتىدا تۇر.

داستان كەنجالين،

استانا