Rybakına prezıdentpen kezdesedi (VIDEO)

13 sáýirde Qazaqstannyń birinshi jáne álemniń jetinshi raketkasy Elena Rybakına Aqordada prezıdent Qasym-Jomart Toqaevpen kezdesedi.

Osydan keıin tennısshi 14-15 sáýirde Astanada ótetin Bıllı Djın Kıng Kýbogy (Billie Jean King Cup) úshin irikteý kezeńine qatysatyn ulttyq quramanyń sapynda Polsha komandasyna qarsy oınaıdy.

Elena Rybakına Beeline Arena Ulttyq tennıs ortalyǵynda topyraq tósenishindegi kortta aldaǵy básekege daıyndyqty bastady.

13 sáýirde komandalardyń jerebe tartý rásimi bolady. Sodan keıin quramalardyń qatysýymen BAQ ókilderine arnalǵan baspasóz máslıhaty ótedi. Oǵan Elena Rybakına da qatysady.

14 sáýirde jekeleı synda eki oıyn ótse, 15-inde eki jekeleı, bir juptyq kezdesý josparlanǵan.

Qazir Áıelder tennısi qaýymdastyǵynyń (WTA) jańartylǵan reıtınginde Elena Rybakına burynǵysha jetinshi ornyn saqtap otyr. Al WTA chempıondyq kestesinde ol ekinshi satyda tur.

Dastan KENJALIN,

ASTANA