Qajymuqan sport mektebi – mınıstrlik kýbogynyń eki dúrkin ıegeri (FOTO)

Qajymuqan Muńaıtpasov atyndaǵy olımpıada rezerviniń respýblıkalyq mamandandyrylǵan mektep-ınternat-kolledjiniń 2007 — 2008 jyldary týǵan  sportshylary dzıýdo, taekvondo, erkin kúres, boks, grek-rım kúresinen ótken Mádenıet jáne sport mınıstrliginiń kýbogyn jeńip aldy.

16-22 sáýir aralyǵynda Taldyqorǵan qalasynda elimizdiń 17 sport-ınternattar arasynda sporttyń bes túrinen uıymdastyrylǵan dúbirli dodada sport ordasynyń oqýshylary osymen ekinshi ret Mádenıet jáne sport mınıstrliginiń kýbogynyń ıegeri atandy.

Bul jarystyń ózi de bıyl ekinshi ret ótti. Kýbok jolyndaǵy týrnır asa tartysty jáne qyzyqty boldy. Irikteý synynda ujymdar tórt topqa bólinip jeńimpazdy anyqtady. Áýeli júzden júırik, myńnan tqlpan shyqqandar jartylaı fınalǵa joldama alyp, fınalǵa shyqty. Fınalda alań ıeleleri — Jetisý oblysynyń sport ınternaty men byltyrǵy, ıaǵnı, tuńǵysh osy kýboktyń ıegeri – Qajymuqan Muńaıtpasov atyndaǵy sport ordasy synǵa tústi. Olar fınalda dzıýdo, grek-rım, taekvondo men bokstan basym túsip, byltyrǵy ataǵyn qorǵap qaldy. Al Jetisý oblysynyń Jaqsylyq Úshkempirov atyndaǵy Olımpıada rezerviniń oblystyq mektep-ınternat-kolledji bul teketireste tek erkin kúresten ǵana alda boldy.

Fınalda Qajymuqan sport mektebiniń saıypqyrandary basymdyq tanytyp, ekinshi ret kýboktyń ıegeri atandy.

Jeńimpaz ben júldegerlerdi Mádenıet jáne sport mınıstrligi Sport jáne dene shynyqtyrý isteri komıteti sport rezervi basqarmasynyń basshysy Amanbaı Nurmuhanbetov, Sportty damytý dırekııasy dırektorynyń orynbasary Azamat Imashev, Atlanta Olımpıadasynyń qola júldegeri Máýlen Mamyrov, Jetisý oblysy Dene shynyqtyrý jáne sport basqarmasynyń basshysy Ulan Rysqul marapattady.

Bul básekeniń dittegeni — daryndy balalardyń kózge túsýine jaǵdaı jasap, sport mektep-ınternat-kolledjder arasyndaǵy básekelestikti arttyrý. Aralaryńyzda kóbińiz ert.eńgi Ulttyq qurama ókilisizder. Biz sizderge zor senim artamyz. Halyqaralyq jarystarda júldeli bolyp, jankúıerlerimizdi qýantqandaryńyzdy qalaımyz. Osy jarys atalǵan dańǵyl jolda tájirıbe jınaýǵa zor septigin tıgizedi dep oılaımyn, — dep aıtty fınal qarsańyndaǵy komandalar sherýinde Amanbaı Nurmuhanbetov.

Al qola júldege Jambyl oblysynyń mektep-ınternat-kolledji ıe boldy. Olar boks, taekvondo men erkin kúresten jeńiske jetse, qalǵan grek-rım kúresi men dzıýdo básekesi Bekzat Sattarhanov atyndaǵy daryndy balalardyń sport mektep-ınternatynyń (Túrkistan oblysy) paıdasyna sheshildi.

Bıyl kýboktyń jalpy júlde qory – 10 mıllıon teńge. Jeńimpaz 5 mıllıonǵa ıe bolsa, 2-orynǵa úsh, qola medal alǵan komandaǵa 2 mıllıon beriledi.

Aıta keteıik, bıyl 17 sport oqý ordasynan kelgen 450-den astam jasóspirim dzıýdo, boks, taekvondo, grek-rım jáne erkin kúresten synǵa tústi. Taekvondo jarys baǵdarlamasyna alǵash ret qosyldy. Onyń ishinde boksta 7, qalǵan sporttan 5 salmaqta jeńimpaz anyqtaldy. Bıyl 2007-2008 jyldary dúnıege kelgen shákirtter baq synady.

Barlyq komanda irikteýde 4 topqa bólinip, aınalmaly júıe boıynsha bir-birimen kezdesti. Ár topta 1-oryn alǵan oqý ordasy ǵana jartylaı fınalǵa joldama alǵan. Sosyn, A men S tobynyń, taǵy V men D tobynyń úzdigi aqtyq synǵa shyǵý úshin talasty.

Anyqtama: Keshendi jarysty  Mádenıet jáne sport mınıstrligi uıymdastyrady. Byltyr irikteýi 4 qalada, al fınaly Astanada ótken alǵashqy jarysta Q.Muńaıtpasov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledji chempıon atanǵan.

 

Ardaq TOǴYMOV,

FOTO: Mádenıet jáne sport mınıstrliginiń Sportty damytý dırekııasy

ASTANA