Kórkem gımnastıka: Spartakıadada Shymkent sportshylary jeńiske jetti

Búgin Astana qalasyndaǵy Qazaqstan jeńil atletıka kesheninde kórkem gımnastıkadan Qazaqstannyń VI jazǵy Spartakıadasy aıaqtaldy. Bul joly jekeleı synda elimizdiń ár óńirinen kelgen 54 gımnast synǵa tústi. Al toptyq jattyǵýda 12 komanda baq synady. Bul qatarda Eljańa Tanıeva, Erıka Jaılaýova, Mılana Parfılova syndy halyqaralyq básekelerde el namysyn qorǵap júrgen ulttyq qurama ókilderi bar.

Shyǵyrshyqpen óner kórsetýde ulttyq qurama kóshbasshylary eshkimge des bergen joq. Bas júldeni Eljańa Tanıeva alsa, Mılana Parfılova kúmis, Aıbota Ertaıqyzy qola medalge ıe boldy.

Eljańa Tanıeva doppen jattyǵýda da chempıon atansa, Aıbota Ertaıqyzy ekinshi, elordalyq Erıka Jaılaýova 3-oryn aldy.

Urshyq pen lenta jattyǵýynda Eljana Tanıeva úzdik atandy. Kúmis júlde Mılana Parfılovanyń, qola Erıka Jaılaýovanyń enshisinde. Kópsaıysta, ıaǵnı 4 quralmen óner kórsetýde ár baǵdarlamada turaqty nátıdje kórsetken Erıka Jaılaýova altynnan alqa taqsa (115,450 ball), shymkenttik Mılana Parfılova (111,700 ball) men Baıan Qoıbaqar (102,950 ball) tuǵyr bıiginiń qalǵan satysyna kóterildi. Bul saıysta fınalǵa iriktelip 15 gımnast joldama alǵan.

Al toptar arasyndaǵy jáne komandalyq kópsaıysta birdeı nátıje tirkeldi. Eki synda da Shymkent qalasy myqty ekenin taǵy bir márte dáleldese, odan keıingi orynǵa Astana men Almaty qalasynyń ujymy jaıǵasty.

Keshe ótken kórkem gımnastar saıysynyń ashylýyna Sportty damytý dırekııasy dırektorynyń orynbasary, VI jazǵy Spartakıadanyń bas tóreshisi Azamat Imashev, Astana qalasy Dene shynyqtyrý jáne sport basqarmasynyń basshysy Samat Jylqybaev, federaııanyń bas hatshysy qatysyp, sóz sóıledi.

Bul eldegi barlyq kórkem gımnast úshin jaýapty jarys. Jýyrda Portýgalııadaǵy Álem Kýbogy kezeńinde sátti óner kórsetken Ulttyq qurama sportshylary da osynda synǵa túsedi. Sosyn, Fılıppınde ótetin Azııa chempıonatyna daıyndyqty bastaıdy. Al kúzde jyldyń basty básekesi — Azııa oıyndary bar. Sol synda gımnastarǵa zor senim artamyz,- dedi Azamat Imashev.

Jalpy esepte Shymkent qalasynyń gımnastary 7 altyn, 5 kúmis pen 1 qola medal jeńip alyp, birinshi orynǵa shyqty. Astana qalasy (1 altyn, 3 kúmis, 4 qola) kúmis, Almaty qalasy (1 altyn, 1 kúmis, 2 qola) qola júldeger atandy.

Shamken BAIYRBEK,

ASTANA