رىباكينا الەمنىڭ ءتورتىنشى راكەتكاسى اتاندى

قازاقستاننىڭ ءبىرىنشى راكەتكاسى ەلەنا رىباكينا يتاليانىڭ ريم قالاسىندا وتكەن WTA 1000 ءتۋرنيرىن جەڭىپ العان سوڭ، ايەلدەردىڭ تەننيس قاۋىمداستىعىنىڭ جاريالاعان تىزىمىندە رەسمي تۇردە الەمنىڭ ءتورتىنشى راكەتكاسى اتاندى.

رىباكينا 5090 ۇپاي جيناپ، ءتورتىنشى ورىنداعى فرانتسيالىق كارولين گارسيانى (5025 ۇپاي) باسىپ وزدى. قازىر ول رەيتينگتە ءۇشىنشى ورىندا تۇرعان امەريكالىق دجەسسيكا پەگۋلادان نەبارى  115 بالل عانا قالىپ وتىر.

سونىمەن بىرگە قازاقستاننىڭ باسقا دا تەننيسشىلەرى رەيتينگتەگى ورىندارىن جاڭارتتى.

قازاقستاننىڭ جۇپتىق باسەكەدەگى ۇزدىك تەننيسشىسى اننا دانيلينا 26 ورىننان 24-ورىنعا شىقتى. جىبەك قۇلامباەۆا دا تىزىمدەگى ورىنىن جاقسارتىپ، بىردەن 197 ساتىعا كوتەرىلدى. يۋليا پۋتينتسەۆا 916 بالمەن 61 ورىنعا جايعاستى.

داستان كەنجالين،

استانا