Rybakına álemniń tórtinshi raketkasy atandy

Qazaqstannyń birinshi raketkasy Elena Rybakına Italııanyń Rım qalasynda ótken WTA 1000 týrnırin jeńip alǵan soń, Áıelderdiń tennıs qaýymdastyǵynyń jarııalaǵan tiziminde resmı túrde álemniń tórtinshi raketkasy atandy.

Rybakına 5090 upaı jınap, tórtinshi oryndaǵy franııalyq Karolın Garsııany (5025 upaı) basyp ozdy. Qazir ol reıtıngte úshinshi orynda turǵan amerıkalyq Djessıka Pegýladan nebári  115 ball ǵana qalyp otyr.

Sonymen birge Qazaqstannyń basqa da tennısshileri reıtıngtegi oryndaryn jańartty.

Qazaqstannyń juptyq básekedegi úzdik tennısshisi Anna Danılına 26 orynnan 24-orynǵa shyqty. Jibek Qulambaeva da tizimdegi orynyn jaqsartyp, birden 197 satyǵa kóterildi. Iýlııa Pýtıneva 916 balmen 61 orynǵa jaıǵasty.

Dastan KENJALIN,

ASTANA