SportPress.kz قازاقستان سپورت جاڭالىقتارى
ليۆاننىڭ استاناسى بەيرۋت قالاسىندا WT تاەكۆوندودان جاسوسپىرىمدەر اراسىندا وتكەن ازيا چەمپيوناتىندا ەل قورجىنىنا تاعى 6 جۇلدە ءتۇستى.
بۇعان دەيىن حابارلانعانداي، قولا جۇلدەنى الىبەك نۇرعازى (45 كگ)، سامال بەرىكقىزى (+68 كگ، ەكەۋى دە الماتى قالاسىنان) مەن اتىراۋ وبلىسىنىڭ سپورتشىسى مەرەي مالىك (63 كگ) يەلەنگەن بولاتى. ودان كەيىن بەكتورە ورالحانوۆ (51 كگ، الماتى قالاسى) پەن داريا ماناسقىزى (68 كگ، ماڭعىستاۋ وبلىسى) ازيا چەمپيوناتىنىڭ قولا جۇلدەسىن الدى. ال كەشە جارىستىڭ سوڭعى كۇنى ءانۋار مۇحامەتكارىموۆ (59 كگ) پەن باتىرحان تولەۋعالي (73 كگ، ەكەۋى دە شقو)، ءادىل تىلەۋعابىلوۆ (68 كگ، استانا قالاسى) مەن الميرا قانات (59 كگ، ماڭعىستاۋ وبلىسى) ازيا چەمپيوناتىنىڭ قولا مەدالىن يەلەندى.
وسىلايشا قازاقستان قۇراماسى ازيا چەمپيوناتىن 9 قولا جۇلدەمەن قورىتىندىلادى.
سونىمەن قاتار تاەكۆوندو فەدەراتسياسى تورەشىلەر القاسىنىڭ توراعاسى داۋرەن العاباەۆ چەمپيوناتتىڭ ەڭ ۇزدىك تورەشىسى اتاندى
داستان كەنجالين،
استانا
