ەرعالي شامەي ازيا پارا ويىندارىنىڭ چەمپيونى اتاندى

قىتايدىڭ حانچجوۋ قالاسىندا ءوتىپ جاتقان ازيا پارا ويىندارىندا پارا دزيۋدودان قازاقستان سپورتشىلارى ەرعالي شامەي مەن اسىلان نۇرداۋلەتوۆ فينالدا تاتاميگە شىقتى.

بۇل جەكپە-جەكتە ەرعالي شامەي جەڭىسكە جەتتى. ءسويتىپ، ول ازيا پارا ويىندارىنىڭ چەمپيونى اتانسا، اسىلان نۇرداۋلەتوۆ كۇمىس مەدالگە يە بولدى.

ءبىزدىڭ دزيۋدوشىلار تاعى دا كەرەمەت ناتيجە كورسەتتى! ەلىمىز سىزدەرمەن ماقتانادى. قازىر بۇكىل ەل سىزدەرگە جانكۇيەر بولىپ وتىر. الداعى تۋرنيرلەردە دە قازاقستان گيمنى شىرقالا بەرسىن! جاڭا بەلەستەردى باعىندىرىپ، جارقىن جەڭىستەرگە جەتە بەرۋلەرىڭىزگە تىلەكتەسپىن، — دەپ تۋريزم جانە سپورت ءمينيسترى ەرمەك مارجىقپاەۆ سپورتشىلارعا قۇتتىقتاۋ حات جولدادى.

وسىلايشا، پارا دزيۋدوشىلارىمىز قازاقستان كومانداسىنىڭ قورجىنىنا ءۇشىنشى التىن جانە بەسىنشى كۇمىس مەدالدى سالدى.

پارا ازيا ويىندارى 22 قازاندا باستالدى. بۇگىن، ويىنداردىڭ ءۇشىنشى كۇنى جاقسى ناتيجە كورسەتتى. كەشە دە سپورتشىلار ەلىمىزگە بىرنەشە جۇلدە سىيلادى. پاراازيادا 28 قازاندا اياقتالادى. وسى كەزگە دەيىن سپورتشىلارىمىز جارىستىڭ 14 تۇرىنەن مەدالداردى ساراپقا سالادى. بيىلعى سىنعا قازاقستاننان 131 سپورتشى قاتىسۋدا.

داستان كەنجالين،

استانا

فوتو: تۋريزم جانە سپورت مينيسترلىگى، اق كيمونودا ەرعالي شامەي، كوك كيمونودا اسىلان نۇرداۋلەتوۆ