SportPress.kz قازاقستان سپورت جاڭالىقتارى
گيمناست ناريمان كۋربانوۆ قاتاردىڭ استاناسى — دوحادا وتەتىن الەم كۋبوگى كەزەڭىنە دايىندالىپ جاتىر. ول وسى كەزەڭنەن كەيىن گيمناستيكالىق ات سناريادىندا وليمپيادا جولداماسىن يەلەنۋى مۇمكىن.
Olympic.kz سايتىنىڭ حابارلاۋىنشا، سپورتشى باعدارلاماسىن جەتىلدىرىپ جاتىر. قازىر ورنىڭ كومبيناتسياسى قيىندىعى جونىنەن الەمدە ەكىنشى ورىندا – 6.7. وتكەن الەم كۋبوگى كەزەڭدەرىندە ونىڭ ەلەمەنتى ەڭ قيىن باعدارلاما بولدى.
انتالياداعى تۋرنيرگە 6.9 بولاتىن جاڭا باعدارلامامەن باردىم. بۇل بازالىق جاعىنان قازىرگى وليمپيادا چەمپيونى، بريتاندىق ماكس ۆيتلوكتىڭ كومبيناتسياسىمەن بىردەي.
ءبىر قولمەن اينالۋدى قوستىم. مۇنداي ەلەمەنتتى الەمدە ءۇش-ءتورت ادام عانا ىستەي الادى.
سوڭىنا قاراي جاتتىعۋدى تولىق اياقتاۋعا مۇمكىندىك بولمادى. دەسە دە، ماعان ناتيجەم ۇنايدى، — دەدى گيمناست.
كۋربانوۆ حورۆاتيادا وتەتىن حالىقارالىق تۋرنيرگە قاتىسپايتىنىن دا ايتتى.
حورۆاتياعا بارعانىم جوق. قازىر قاتاردا وقۋ-جاتتىعۋ جيىنىندامىن. وسىندا وتەتىن ليتسەنزيالىق الەم كۋبوگىنا دايىندالىپ جاترىمىن. ليتسەنزيا تۋرالى كوپ ويلاماي، ءوز جۇمىسىمدى بارىنشا جاقسى ىستەگىم كەلەدى. سەبەبى، قاتاردا وليمپيالىق ويىنداردىڭ مەدالىنە باستى ۇمىتكەرلەر سىنعا تۇسەدى. وسى جارىسقا قۇددى وليمپياداعا بارعانداي قاتىسقىم كەلەدى.
ازىرگە، بيىلعى ماۋسىمعا باعا بەرۋگە ەرتە. تەك ءوزىمنىڭ بابىمدا ەكەنىمدى، ءتۇرلى قيىندىققا قاراماستان، العا سەنىممەن قادام باساتىنىمدى ايتقىم كەلەدى. الداعى ون كۇندە جاڭا نارسە ويلاپ تابۋدىڭ قاجەتى جوق. جاي عانا سپورتتىق بابىمدى رەتتەيمىن، — دەدى ناريمان كۋربانوۆ.
قاتاردىڭ استاناسىنداعى الەم كۋبوگى 17-21 ءساۋىر ارالىعىندا بولادى. وسى جارىستىڭ قورىتىندىسى بويىنشا وليمپيادا ليتسەنزياسىن العان گيمناستار انىقتالادى.
قازاقستان ەرلەر قۇراماسىنىڭ باس جاتتىقتىرۋشىسى الەكساندر كيمنىڭ ايتۋىنشا، كۋربانوۆتىڭ جولدامانى الۋعا مۇمكىندىگى جاقسى.
قازىر قازاقستان ەنشىسىندە سپورتتىق گيمناستيكادان وليمپيادانىڭ ءبىر جولداماسى بار. بىلتىر انتۆەرپەندە وتكەن الەم چەمپيوناتىندا ميلاد كاريمي قولا مەدالمەن بىرگە، كوپسايىستا جولدامانى جەڭىپ العان.
قاتاردىڭ استاناسىنداعى الەم كۋبوگىنا ەرلەر قۇراماسىندا ميلاد كاريمي، دميتري پاتانين، دياس تويشىبەك، ناريمان كۋربانوۆ بارادى.
