Grand Slam турнирі: Қазақстан тағы екі жүлде алды

Тәжікстанның астанасы – Душанбе қаласында дзюдодан өтіп жатқан Grand Slam турнирінде күміс жүлде алған Мағжан Шамшидиннен кейін тағы екі балуан медалист болды, деп хабарлады Туризм және спорт министрлігінің Спортты дамыту дирекциясы.

81 келі салмақтағы Абылайхан Жұбаназар мен Дархан Қойбағар (73 кг) қола жүлдегер атанды.

Дархан Қойбағар Үлкен дулыға санатындағы жарыста алғаш рет жүлде алды. Ол кіші финалда Дархан моңғолиялық Ерденбаяр Батзаяны жеңді. Одан кейін Абылайхан Жұбаназар Чехия өкілі Адама Копецкимен үшінші орын үшін күресіп, екі рет вазари әдісімен айласын асырды.

Қазақ дзюдошысы алғашқы белдесуінде Хожиакбар Тожиевті (Өзбекстан), Ёнкул Лиді (Оңтүстік Корея), ширек финалда Енхтур Жаждергаравты (Моңғолия) жеңген. Ал жартылай финалда өкінішке қарай, Нилм Стамптан (Швейцария) жеңілді.

Бұған дейін 60 кг дейінгі салмақта Мағжан Шамшадин күміс жүлдегер атанған болатын.

Енді әйелдер арасында 78 келіден аса салмақтағы Камила Берліқаш қола жүлдеге таласатын болады.

Ұлттық құрама спортшысы жартылай финалда поляк дзюдошысы Кинга Вольщактан жеңіліп қалды.

90 келідегі Аян Байғазы бірінші белдесуде чехиялық  Давид Кламмертке есе жіберді.

Аса ауыр салмақтағы балуандарымыз да жарысты бірінші айналымда аяқтады. Ерасыл Қажыбаев түркиялық Ибрахим Татароғлыға, Еламан Ерғалиев ресейлік Денис Батшаевқа жол берді.

Қазақстан дзюдошылары Душанбедегі турнирде әзірше үш жүлде жеңіп алды.