Қазақ боксшыларының финалдағы қарсыластары анықталды

Иорданияның Амман қаласында өтіп жатқан Азия чемпионатының жартылай финалы аяқталды. Нәтижесінде Қазақстан ұлттық құрамасының 12 боксшысы финалға шығып отыр. Олардың тоғызы – ер, үшеуі – әйел. 48 кг салмақ дәрежесінде Алуа Балқыбекованың қарсыласы жапониялық Като Хикару жарақатына байланысты финалға шықпайды. Сол себепті, Балқыбековаға Азия чемпионы атағы берілді. Осылайша ол екі дүркін құрлық чемпионы атанды.

Әйелдер арасындағы финалдық жекпе-жектер 11 қарашада өтсе, ерлердікі 12 қарашаға жоспарланған.

ӘЙЕЛДЕР:

54 кг: Жайна Шекербекова — Джутамас Джитпонг (Тайланд),

57 кг: Карина Ибрагимова — Ирие Сена (Жапония),

81 кг: Гүлсая Ержан — Савити (Үндістан).

ЕРЛЕР:

48 кг: Санжар Ташкенбай — Аратаке Кадзума (Жапония),

51 кг: Сәкен Бибосынов — Хасанбой Дусматов (Өзбекстан),

54 кг: Махмұд Сабырхан — Карло Паалам (Филиппин),

57 кг: Серік Теміржанов — Абдумалик Халоков (Өзбекстан),

67 кг: Дулат Бекбауов — Бунджонг Синсири (Тайланд),

71 кг: Асланбек Шымбергенов — Зеяд Ишайш (Иордания),

75 кг: Нұрқанат Райыс — Саиджамшид Джафаров (Өзбекстан),

92 кг: Айбек Оралбай — Мадияр Сайдрахимов (Өзбекстан),

+92 кг: Қамшыбек Қоңқабаев — Лазизбек Муллажонов (Өзбекстан).

Дастан КЕНЖАЛИН,

АСТАНА