جانىبەك ءالىمحان ۇلى مىقتىلاردىڭ قاتارىندا گولوۆكينگە جاقىندادى

The Ring بەلگىلى جۋرنالىنىڭ سايتى قازاقستاننىڭ ورتا سالماقتاعى ەكى بوكسشىسى ەنگەن رەيتينگىنىڭ جاڭارتىلعان نۇسقاسىن ۇسىندى.

WBA Super، IBF جانە IBO تۇجىرىمدارى بويىنشا الەم چەمپيونى گەننادي گولوۆكين ءبىرىنشى ورىندى ساقتاپ قالسا، WBO بەلدىگىنىڭ يەگەرى جانىبەك ءالىمحان ۇلى بەسىنشى ورىننان ءتورتىنشى ورىنعا كوتەرىلدى. بۇرىن ءۇشىنشى ورىندا تۇرعان دەمەتريۋس اندرادە ەكىنشى ورتا ديۆيزيونعا وتۋىنە بايلانىستى رەيتينگىدەن شىعارىلدى.

The Ring نۇسقاسى بويىنشا ورتا سالماقتاعى بوكسشىلاردىڭ توپ-10 كەلەسىدەي:

1 (1). گەننادي گولوۆكين (قازاقستان);
2 (2). دجەرمالل چارلو (اقش);
3 (4). حايمە مۋنگيا (مەكسيكا);
4 (5). جانىبەك ءالىمحان ۇلى (قازاقستان);
5 (6). كريس يۋبەنك-كىشى ( ۇلىبريتانيا);
6 (7). كارلوس ادامەس (دومينيكان رەسپۋبليكاسى);
7 (8). ريوتا مۋراتا (جاپونيا);
8 (9). سەرگەي دەرەۆيانچەنكو (ۋكراينا);
9 (10). ەريسلاندي لارا (كۋبا);
10 (-). فەليكس كەش ( ۇلىبريتانيا).

داستان كەنجالين،

استانا