Рыбакина Abu Dhabi Open турнирінің ширек финалына шықты

Қазақстанның бірінші, дүниежүзінің оныншы ракеткасы Елена Рыбакина Біріккен Араб Әмірліктерінің астанасы Әбу-Дабиде қаласында басталған WTA 500 Mubadala Abu Dhabi Open турнирінде жеңісіне жетті.

Қазақстанның теннисшісі чехиялық Каролина Плишковамен ойнап, оны 6:4, 6:2 есебімен жеңді.

Каролина Плишкова бір кездері дүниежүзінің бірінші ракеткасы болған. Енді Елена Рыбакина ширек финалда әлемнің 14-ракеткасы, бразилиялық Беатрис Хаддад Майямен кездеседі. Беатрис екінші айналымда тағы бір қазақстандық, рейтингте 45-орындағы Юлия Путинцеваны 6:4, 6:7 (5:7), 7:6 (7:4) есебімен ұтып кетті.

Биыл Елена Рыбакина Australian Open турнирінің финалында ойнады. Ал былтыр, 2022 жылы Уимблдон турнирінде жеңіске жетті.

Дастан КЕНЖАЛИН,

АСТАНА