الماتىدا ۆەلوجارىسقا بايلانىستى جولدار جابىلادى

الماتىدا اۋەسقوي ۆەلوسيپەدشىلەرگە ارنالعان Tour of World Class Almaty ۆەلوجارىسى وتەدى.

ۆەلوجارىس 6 تامىزدا «ALMATY ARENA» كوپفۋنكتسيونالدى كەشەنىنىڭ اۋماعىنان باستالادى.

Tour of World Class Almaty ۇيىمداستىرۋ كوميتەتى قالانىڭ تۇرعىندارى مەن قوناقتارىنا ۆەلوجارىس وتەتىن جەرلەردە جول قوزعالىسىنىڭ ءىشىنارا جابىلاتىنىن حابارلادى.

كولىك قوزعالىسى مىنا كوشەلەردە شەكتەلەدى:

مومىش ۇلى كوشەسىنەن دوسپانوۆا كوشەسىنە دەيىنگى ALMATY ARENA-عا ىرگەلەس جولدىڭ قىسقا بولىگى 6 تامىزدا ساعات 02.30-دان 17.30-عا دەيىن ەكى باعىتقا دا جابىلادى.

دوسپانوۆا كوشەسىمەن اينالما جولدان ادنان مەندەرەس كوشەسىنە دەيىنگى قوزعالىس ەكى باعىتتا دا ساعات 06.00-دەن 09.50-گە دەيىن جابىلادى.

مومىش ۇلى كوشەسى بويىنشا ادنان مەندەرەس كوشەسىنەن موڭكە بي كوشەسىنە دەيىنگى قوزعالىس 06.00-دەن 09.50-گە دەيىن جابىلادى.

مومىش ۇلى كوشەسىنەن موڭكە بي كوشەسى بويىمەن مومىش ۇلى كوشەسىنىڭ جالعاسىنا دەيىنگى قوزعالىس 06.00-دەن 09.50-گە دەيىن جابىلادى.

مومىش ۇلى كوشەسى بويىنشا موڭكە بي كوشەسىنەن ۇلكەن الماتى كانالى بويى كوشەسىنە دەيىنگى قوزعالىس 06.00-دەن 09.50-گە دەيىن جابىلادى.

ۇاك بويى كوشەسىندەگى مومىش ۇلى كوشەسى بويىمەن ەكولوگيالىق بەكەتكە دەيىنگى قوزعالىس 06.00-دەن 09.00-گە دەيىن جابىلادى.

يندۋستريالىق ايماقتىڭ اينالاسىنداعى قوزعالىس 06.00-دەن 09.00-گە دەيىن جابىلادى.

دەرەكتەر ۆەلوجارىسقا قاتىسۋشىلاردىڭ قوزعالىس ۋاقىتىن ۇتىمدى پايدالانۋدى ەسكەرە وتىرىپ ەنگىزىلدى. جولداردىڭ جابىلۋىن ەسكەرىپ، وڭتايلى مارشرۋتتى تابۋ ءۇشىن 2GIS قوسىمشاسىن پايدالانا الاسىز. ءىس-شارا وتەتىن كۇنى قوعامدىق كولىك قۇندەلىكتى رەجيمدە جۇمىس ىستەيدى جانە وعان جەكە جولاق بولىنەدى، — دەپ حابارلادى ۇيىمداستىرۋشىلار.

جارىسقا قاتىسۋشىلار جەتىستىكتەرى مەن تاباندىلىعىن بىلدىرەتىن مەدالدارمەن ماراپاتتالادى. ءابسوليۋتتى ساناتتا 48،5 شاقىرىم قاشىقتىقتا ەرلەر مەن ايەلدەر اراسىنداعى ەڭ جىلدام سپورتشىلار تەك قۇرمەتتى اتاققا عانا ەمەس، اقشالاي سىيلىقتارعا دا يە بولادى.

ءبىرىنشى ورىنعا 100 000 تەڭگە، ەكىنشى ورىنعا 80 000 تەڭگە، ءۇشىنشى ورىنعا 60 000 تەڭگە بەرىلەدى. ءار ءتۇرلى جاس ساناتتارىنداعى 48،5 شاقىرىم، 33،5 شاقىرىم جانە 14 شاقىرىم قاشىقتىقتاعى جەڭىمپازدار سەرىكتەستەردىڭ مەدال جانە باعالى سىيلىقتارىمەن ماراپاتتالادى.

جارىس ۋاقىتى:

6:00 – 48.5 كم تاسجول ۆەلوسيپەدتەرى6:05 – 33.5 كم تاسجول ۆەلوسيپەدتەرى

6:11 – 33.5 متب ۆەلوسيپەدتەرى

9:10 – 14 كم بالالار قاشىقتىعى.

 

دۋمان امانجول ۇلى،

الماتى

فوتو: Tour of World Class Almaty ۇيىمداستىرۋ كوميتەتى