SportPress.kz Qazaqstan sport jańalyqtary
Almatyda áýesqoı velosıpedshilerge arnalǵan Tour of World Class Almaty velojarysy ótedi.
Velojarys 6 tamyzda «ALMATY ARENA» kópfýnkıonaldy kesheniniń aýmaǵynan bastalady.
Tour of World Class Almaty uıymdastyrý komıteti qalanyń turǵyndary men qonaqtaryna velojarys ótetin jerlerde jol qozǵalysynyń ishinara jabylatynyn habarlady.
Kólik qozǵalysy myna kóshelerde shekteledi:
Momyshuly kóshesinen Dospanova kóshesine deıingi ALMATY ARENA-ǵa irgeles joldyń qysqa bóligi 6 tamyzda saǵat 02.30-dan 17.30-ǵa deıin eki baǵytqa da jabylady.
Dospanova kóshesimen aınalma joldan Adnan Menderes kóshesine deıingi qozǵalys eki baǵytta da saǵat 06.00-den 09.50-ge deıin jabylady.
Momyshuly kóshesi boıynsha Adnan Menderes kóshesinen Móńke Bı kóshesine deıingi qozǵalys 06.00-den 09.50-ge deıin jabylady.
Momyshuly kóshesinen Móńke bı kóshesi boıymen Momyshuly kóshesiniń jalǵasyna deıingi qozǵalys 06.00-den 09.50-ge deıin jabylady.
Momyshuly kóshesi boıynsha Móńke Bı kóshesinen Úlken Almaty kanaly boıy kóshesine deıingi qozǵalys 06.00-den 09.50-ge deıin jabylady.
ÚAK boıy kóshesindegi Momyshuly kóshesi boıymen Ekologııalyq beketke deıingi qozǵalys 06.00-den 09.00-ge deıin jabylady.
Indýstrııalyq aımaqtyń aınalasyndaǵy qozǵalys 06.00-den 09.00-ge deıin jabylady.
Derekter velojarysqa qatysýshylardyń qozǵalys ýaqytyn utymdy paıdalanýdy eskere otyryp engizildi. Joldardyń jabylýyn eskerip, ońtaıly marshrýtty tabý úshin 2GIS qosymshasyn paıdalana alasyz. Is-shara ótetin kúni qoǵamdyq kólik qúndelikti rejımde jumys isteıdi jáne oǵan jeke jolaq bólinedi, — dep habarlady uıymdastyrýshylar.
Jarysqa qatysýshylar jetistikteri men tabandylyǵyn bildiretin medaldarmen marapattalady. Absolıýtti sanatta 48,5 shaqyrym qashyqtyqta erler men áıelder arasyndaǵy eń jyldam sportshylar tek qurmetti ataqqa ǵana emes, aqshalaı syılyqtarǵa da ıe bolady.
Birinshi orynǵa 100 000 teńge, ekinshi orynǵa 80 000 teńge, úshinshi orynǵa 60 000 teńge beriledi. Ár túrli jas sanattaryndaǵy 48,5 shaqyrym, 33,5 shaqyrym jáne 14 shaqyrym qashyqtyqtaǵy jeńimpazdar seriktesterdiń medal jáne baǵaly syılyqtarymen marapattalady.
Jarys ýaqyty:
6:00 – 48.5 km tasjol velosıpedteri6:05 – 33.5 km tasjol velosıpedteri
6:11 – 33.5 MTB velosıpedteri
9:10 – 14 km balalar qashyqtyǵy.
Dýman AMANJOLULY,
ALMATY
FOTO: Tour of World Class Almaty uıymdastyrý komıteti
