Ýnıversıadada 100 metrge júgirýden antırekord tirkeldi (VIDEO)

Qytaıdyń Chendý qalasynda ótip jatqan Ýnıversıadada antırekord tirkeldi. Olaı deıtinimiz, 100 metrge júgirýden áıelder arasyndaǵy jarysta Somalı eliniń sportshy-stýdenti Nasyr Álı Abýkar márege áreń degende eń sońǵy bolyp jetti.

Ol jarys jeńimpazynan 10 sekýndqa qalyp, 100 metrdi 21,81 sekýndta júgirip ótti. Fox Sports aqparaty boıynsha, mundaı jaǵdaı Ýnıversıada tarıhynda eshqashan bolmaǵan. Bul eshkim kútpegen oqıǵa. 100 metrge júgirýdegi rekordpen salystyra qaraıtyn bolsaq, áıelder arasyndaǵy álem rekordy 10,49 sekýnd, al stýdentter arasyndaǵy úzdik nátıje 11 sekýnd bolǵan. Iaǵnı, jarysqa qatysýshylar osynmasha sekýndta 100 metrge júgirgen.

Bıylǵy Ýnıversıadadaǵy antırekord týraly aqparat ta jan-jaqqa tarap jatyr. Onyń vıdeosy ǵalamtorda jyldam tarap ketti. Vıdeodan 20 jastaǵy somalılik stýdenttiń (Eger ol stýdent bolsa, — red.) júgirýden habary az, jarysqa asa qatty daıyndalmaǵanyn da kórýge bolady.

Osy oqıǵadan keıin Somalıdiń sport mınıstri Barre Mohamýd kópshilik aldynda keshirim surady degen shyqty. Sondaı-aq ol eldiń jeńil atletıka federaııasy basshysyn qyzmetinen bosatqanyn habarlady. Keıbir BAQ antırekord jasaǵan Nasyr Álı Abýkardy Somalı jeńil atletıka federaııasy basshysynyń jıeni eken dep jazyp jatyr.

Somalıdegi ýnıversıtetter odaǵy Qytaıdaǵy Ýnıversıada oıyndaryna arnaıy sportshy jibermegenin habarlaǵan. Sport mınıstri de buǵan qatysy joq ekenin málimdegen. Onyń aıtýynsha, sportshy  Mogadısho ýnıversıtetiniń stýdenti. Ol elde Ýnıversıadaǵa irikteý bolmaǵan soń, jer-júzindegi ýnıversıtetterde oqıtyn somalılik stýdentter arasynan tańdap alynǵan.

Dastan KENJALIN,

ASTANA