Basketboldan áıelder quramasy Azııa kýbogyna daıyndalyp jatyr

Basketbol Qazaqstan áıelder quramasy elordada Azııa kýbogy qarsańynda oqý-jattyǵý jıynyn ótkizip jatyr, dep habarlady Mədenıet jəne sport mınıstrligi Sportty damytý dırekııasynyń baspasóz qyzmeti.

Qazaqstan ulttyq quramasy bas jattyqtyrýshy Vıtalıı Strebkovtiń jetekshiligimen  bir aptadan keıin jattyǵýdy aıaqtap, Taılandtyń astanasy – Bangkok qalasyna attanady.

Astana qalasyndaǵy qazirgi jıyn komandanyń oıyn mánerin jetildirip, kombınaııalardy shyńdaýǵa baǵyttalǵan.

Keshe Ulttyq basketbol federaııasynyń prezıdenti Abaı Alpamysov oıynshylarmen jáne jattyqtyryshylar quramymen kezdesip, baıraqty básekede sáttilik tiledi.

«V» dıvızıonynda Qazaqstan quramasy bir topta Shrı-Lanka (13 tamyz), Taıland (14 tamyz) jáne Iordanııamen 15 tamyzda baq synaıdy. Al «A» tobynda Indonezııa, Iran, Malaızııa men Mońǵolııa bar.

Bul daıyndyq eki aptaǵa josparlanǵan. Bul biz úshin az ýaqyt. Soǵan qaramastan barynsha tıimdi ótkizýge tyrysyp jatyrmyz. Taǵy bir ókinishtisi, kóshbasshylardyń biri Zarına Kýrazova aýyr jaraqat alyp qaldy. Aldaǵy Azııa kýbogy men Qytaıdaǵy Azııa oıyndarynda oınaı almaıdy. Oǵan otadan soń qalpyna kelýi úshin 5-6 aı qajet. Negizgi quramdaǵy basqa oıynshylar osynda. Bizde ulttyq quramaǵa sportshylardy shaqyrý qıyn bolǵan joq.

Maqsat — barlyq matchta jaqsy oınap, upaı alý. Qarsylastardyń oıynyn taldap úlgerdik. Osydan eki aı buryn ońtústik-shyǵys Azııa elderi oıyndary ótken. Sondaǵy jazbalardy kórdik. Shrı-Lanka bizdiń quramaǵa qatty qaýqar tanyta alatyn el emes. Al jarys qojaıyny Taıland pen Iordanııamen qıyn kezdesý kútip tur. Alǵashqysyna jankúıerler qyzý qoldaý kórsetedi. Biz olardan jeńilgen joqpyz. Al Iordanııa quramasy amerıkalyq oıynshylardy alǵan eken.  О́zderinde de myqty basketbolshylar shyǵyp keledi, — dedi ulttyq quramanyń bas jattyqtyrýshysy Vıtalıı Strebkov.

Aıta keteıik, ár topta birinshi oryn alǵan qurama tikeleı jartylaı fınalǵa shyǵady. Olardyń qarsylasy topta ekinshi jáne úshinshi oryn alǵan komandalar arasynan irikteledi. «A» dıvızıonyna tek bir ǵana el joldama alady.

Shamken BAIYRBEK,

ASTANA