Bas jattyqtyrýshy Magomed Adıev Qazaqstan azamattyǵyn alýy múmkin

Fýtboldan Qazaqstan ulttyq qurama komandasynyń bas jattyqtyrýshysy reseılik Magomed Adıev «Rabınerv» YouTube-arnasyna bergen suhbatynda Eýropa chempıonatyna irikteý týrnır aıaqtalǵan soń, Qazaqstan azamattyǵyn alýy múmkin ekenin aıtty.

Qazaqstan fýtbol federaııasy meniń osy eldiń azamaty bolǵanymdy qalap otyr. Meniń estýimshe, federaııa osy áńgimeni ári qaraı qozǵap, úlken sheneýnikterge, Mádenıet jáne sport mınıstrine aıtqysy kelip otyrǵan kórinedi. Biraq men azamattyq týraly túpkilikti sheshim qabyldaǵan joqpyn. Azamattyq alý kerek pe, kerek emes pe, ony men ózim bilemin ǵoı. Al eger maǵan azamattyq berilip jatsa, ol endi men úshin zor mártebe, úlken qýanysh, – dedi ol.

Onyń aıtýynsha, Reseı Federaııasynyń azamaty retinde Eýropa elderi men basqa da memleketterge vıza alý ońaı emes. Sol úshin Federaııa tezdetip Qazaqstan azamattyǵyn alyp bergisi keledi. Biraq dál qazir ol azamattyq týraly oılaǵysy kelmeıdi.

Qazir men azamattyq týraly oılap júrgen joqpyn. Federaııa basshylyǵyna Eýropa chempıonatyna irikteý týrnıri aıaqtalǵansha azamattyq máselesin aıtpaýdy ótindim. Odan keıin Qazaqstan azamaty bolamyn ba, bolmaımyn ba, ony ózim bilemin.

Árıne, qazir maǵan ǵana emes, Reseıdiń barlyq halqyna ońaı emes. Eger azamattyq alsaq, «Mine, kórdińder me, elden taǵy bir adam qashty», dep aıtady. Al elden qashý degen meniń tabıǵatymdy múldem joq. Men ondaı adam emespin. Kezinde sheshen soǵysynda da qazirgideı jaǵdaı bolǵan joq. Sondyqtan maǵan azamattyq alý degen ońaı sharýa emes. Qazaqstanda qos azamattyqqa ruqsat berilmeıdi. Bul jerde oǵan qatań tyıym salynǵan, – dedi Adıev.

Bas jattyqtyrýshynyń aıtýynsha, ázirshe ol Eýropa elderine vıza alyp júr. Biraq komandanyń basqa músheleri sııaqty emes, vızany uzaq kútedi. Ol úshin hat jazyp, biraz ýaqytyn ketiredi.

Vıza alý ońaı emes. Meniń ákem Almatyda týǵan. Bizdiń otbasymyz birshama ýaqyt Almatyda turǵan. Sol úshin azdap jeńildik bolyp jatyr. ÝEFA sony da eskerip jatyr eken. Endi Fınlıandııamen, Danııamen jáne Slovenııamen oıynǵa vıza beretin shyǵar. Soǵan úmittenemin, – dedi Magomed Adıev «Rabınerv» YouTube-arnasyna bergen suhbatynda.

Qazir Reseı azammattaryna Eýropa elderine vıza alý máselesi ońaı bolmaı jatyr. Máselen, jaqynda Armenııanyń «Pıýnık» klýbynda oınaıtyn Reseıdiń Mıhaıl Kovalenko degen fýtbolshysyna Estonııaǵa vıza berilmegen. Sonyń kesirinen ol Konferenııa lıgasynyń matchtarynan qalýǵa májbúr bolǵan. Sol sııaqty byltyr Germanııanyń «Baıer» klýbynyń qaqpashysy Andreı Lýnev te Ulybrıtanııaǵa vıza ala almaǵan.

Dastan KENJALIN,

ASTANA