تمد II ويىندارى: قازاقستان قورجىنىنا 1 كۇمىس، 3 قولا جۇلدە ءتۇستى

بەلارۋس رەسپۋبليكاسىندا ءوتىپ جاتقان تمد ويىندارىنىڭ بەسىنشى كۇنى قازاقستان قۇراماسى جەڭىل اتلەتيكادان 1 كۇمىس جانە 3 قولا جۇلدەنى يەلەندى.

كۇمىس جۇلدەنى 600 مەترگە جۇگىرۋدەن 1،25،56 ۋاقىتپەن دميتري سپاسكي السا، انگەلينا شرۋبيانەتس 60 مەترگە كەدەرگىلەرمەن جۇگىرۋدەن 9،18 ۋاقىتپەن جانە ۇزىندىققا سەكىرۋدەن اندرەي كيم 5،97 كورسەتكىشپەن قولا جۇلدەگەر اتاندى.

سونىمەن بىرگە جارىستا 4ح200 مەتر ارالاس ەستافەتادان قۇرامىندا يۋليا دەمكينا، انگەلينا شرۋبيانەتس، اندرەي كيم جانە دميتري سپاسكي بار قازاقستان قۇراماسى ۇزدىك ۇشتىكتەن كورىندى.

قازىر جالپىكوماندالىق ەسەپتە 59 التىن، 43 كۇمىس جانە 23 قولا جۇلدەمەن رەسەي قۇراماسى كوش باسىندا كەلەدى. ەكىنشى ورىندا بەلارۋس سپورتشىلارى. ولاردا 24 التىن، 24 كۇمىس جانە 46 قولا مەدال بار. ءۇشىنشى ورىنداعى وزبەكستاندا 8 التىن، 13 كۇمىس جانە 17 قولا جۇلدە. ءتورتىنشى ورىندا 4 التىن، 6 كۇمىس جانە 14 قولا مەدالمەن ازەربايجان سپورتشىلارى بولسا، بەسىنشى ورىنعا ارمەنيا تۇراقتاپ وتىر. ولاردا 1 التىن، 1 كۇمىس جانە 1 قولا جۇلدە بار. پل قازاقستان قۇراماسى  3 كۇمىس 9 قولا جۇلدەمەن ءالى التىنشى ورىندا كەلەدى.

ازىرشە قازاقستان سپورتشىلارىنا التىن جۇلدە ءالى بۇيىرماي تۇر.

بۇگىن جارىس جولىنا قازىرگى بەسسايىس، نىسانا كوزدەۋ جانە ەركىن كۇرەس بالۋاندارى شىعادى.

مۇساعالي تاسقاليەۆ،

اقتوبە

فوتو: مادەنيەت جانە سپورت مينيسترلىگىنىڭ سپورتتى دامىتۋ ديرەكتسياسى