TMD II oıyndary: Qazaqstan qorjynyna 1 kúmis, 3 qola júlde tústi

Belarýs Respýblıkasynda ótip jatqan TMD oıyndarynyń besinshi kúni Qazaqstan quramasy jeńil atletıkadan 1 kúmis jáne 3 qola júldeni ıelendi.

Kúmis júldeni 600 metrge júgirýden 1,25,56 ýaqytpen Dmıtrıı Spaskıı alsa, Angelına Shrýbıane 60 metrge kedergilermen júgirýden 9,18 ýaqytpen jáne uzyndyqqa sekirýden Andreı Kım 5,97 kórsetkishpen qola júldeger atandy.

Sonymen birge jarysta 4h200 metr aralas estafetadan quramynda Iýlııa Demkına, Angelına Shrýbıane, Andreı Kım jáne Dmıtrıı Spaskıı bar Qazaqstan quramasy úzdik úshtikten kórindi.

Qazir jalpykomandalyq esepte 59 altyn, 43 kúmis jáne 23 qola júldemen Reseı quramasy kósh basynda keledi. Ekinshi orynda Belarýs sportshylary. Olarda 24 altyn, 24 kúmis jáne 46 qola medal bar. Úshinshi oryndaǵy О́zbekstanda 8 altyn, 13 kúmis jáne 17 qola júlde. Tórtinshi orynda 4 altyn, 6 kúmis jáne 14 qola medalmen Ázerbaıjan sportshylary bolsa, besinshi orynǵa Armenııa turaqtap otyr. Olarda 1 altyn, 1 kúmis jáne 1 qola júlde bar. Pl Qazaqstan quramasy  3 kúmis 9 qola júldemen áli altynshy orynda keledi.

Ázirshe Qazaqstan sportshylaryna altyn júlde áli buıyrmaı tur.

Búgin jarys jolyna qazirgi bessaıys, nysana kózdeý jáne erkin kúres balýandary shyǵady.

Musaǵalı TASQALIEV,

AQTО́BE

FOTO: Mádenıet jáne sport mınıstrliginiń Sportty damytý dırekııasy