SportPress.kz Qazaqstan sport jańalyqtary
Qostanaı qalasynda Mádenıet jáne sport mınıstrligi Sport jáne dene shynyqtyrý isteri komıteti, Ulttyq sport túrleri qaýymdastyǵy men Qostanaı oblysynyń ákimdigi uıymdastyrýymen kókpardan jasóspirimder arasyndaǵy Qazaqstan chempıonaty máresine jetti.
Elimizdiń 15 óńirinen kelgen 2006-2008 jyly týǵan jasóspirimder komandalary ózara eń myqtyny anyqtady.
Alty kún boıy Qostanaı atshabaryn dodaǵa aınaldyrǵa dúbirli jarysta ulttyq oıynnyń jańa da jas býyny qalyptasqany anyq kórindi.
Chempıonatta osymen toǵyzynshy ret Túrkistan oblysynyń komandasy jeńimpaz atandy. Kúmis júldege Qaraǵandy oblysynyń komandasy ıe boldy.
El chempıonatynyń úshinshi oryn tuǵyryna Almaty men Shymkent qalasynyń komandalary kóterildi.
Jeńimpazdar men júldegerler arnaıy dıplom, kýbok, medal jáne Ulttyq sport túrleri qaýymdastyǵy taǵaıyndaǵan aqshalaı syıaqymen marapattaldy.
Ulttyq jáne at sporty túrleri ortalyǵy,
FOTO: Maqsat ShAǴYRBAI
