Jasyl alańǵa jer-júziniń qazaq jastary jınaldy

Almatyda «Er Jánibek» halyqaralyq qoǵamdyq qorynyń uıymdastyrýymen shaǵyn fýtboldan «ER JANIBEK CUP-2017» halyqaralyq týrnıri ótti.  Bıylǵy jarys ǵalym, fılologııa ǵylymdarynyń doktory, professor Tursynbek Kákishevtiń 90 jyldyq mereıtoıyna arnaldy.

Oǵan Franııa, Germanııa, Túrkııa, Iran, Reseı, Mońǵolııa, Qytaı jáne О́zbekstanda turatyn qandastarymyz ben elimizdiń ár oblysynan komandalar qatysty.

Týrnırde óz toptarynan kelesi aınalymǵa «Qazaq  Stambul» (Túrkııa), «Ámir» (Reseı, Saratov qalasy), «Baıólke» (Mońǵolııa), «Dastan» (Iran), «NFC Kazakhstan Pavlodar» ( Pavlodar), «Birlik-Kerýen» (Almaty),  «Ǵafýr» (Almaty), «Alataý» (Almaty) komandalary (FK) shyǵyp, jartylaı fınalda kúsh synasty.

Jartylaı fınalda «NFC Kazakhstan Pavlodar» klýby «Ámir» komandasymen  oınap, 4:1 esebimen  jeńse, «Birlik-Kerýenniń»  jigitteri «Baıólkeni» 6:1 esebimen utty.

Úshinshi orynǵa talasta «Ámir» klýby «Baıólke»  ujymyn jeńip,  qola medal ıesi atandy.  Al fınalǵa shyqqan «Birlik -Kerýen» men «NFC Kazakhstan Pavlodar» arasyndaǵy oıyn 3:2 esebimen aıaqtaldy.

Budan bólek,  «Er Jánibek» halyqaralyq qoǵamdyq qorynyń taǵaıyndaýymen úzdik oıyn kórsetken «NFC Kazakhstan Pavlodar» komandasynyń oıynshysy Asqar Ajıkov «Surmergen», «Qazaq  Stambul»  klýbynyń ókili Janer Ahmet  Bozqurt «Úzdik shabýylshy», «Ámir» komandasynyń qaqpashysy Rýslan Mashtakov «Úzdik qaqpashy» jáne «Namystyń» (Reseı, Omby) oıynshysy Nýrahmet Nıgmanov «Úzdik qorǵaýshy» nomınaııalaryn jeńip aldy.

Sondaı-aq, Tursynbek Kákishev atyndaǵy arnaıy «Eldik rýh» syılyǵy Franııanyń «Parij  Kazakh  sport»  fýtbol klýby men Qyrǵyzstannan kelgen «Alash» ujysyna berildi.

Týrnırdiń jabylý saltanatynda alystan at arytyp kelgen qazaq komandalary qoǵamdyq qorǵa jáne uıymdastyrýshylarǵa  alǵys sezimin  jetkizdi.

«Bar ómirin qazaq ádebıetine arnaǵan Tursynbek Kákishevtiń 90 jyldyǵyna arnalǵan «Er Jánibek» halyqaralyq qorynyń fýtbol týrnıri qutty bolsyn. Bizdi sheteldegi qandastarymyz dep baýyryna basyp jatyr. Sondyqtan Franııa qazaqtary atynan osy sharany uıymdastyrýǵa at salysqan barlyq azamattarǵa alǵys aıtamyz», — dedi Parıjdegi qazaq mádenı ortalyǵy men «Parij  Kazakh s port» FK jetekshisi Tábárik Doolý.

Jeńimpaz komandaǵa kýbok tapsyrǵan «Er Jánibek» halyqaralyq qoǵamdyq qorynyń prezıdenti Jeńis Túrkııa da jarysqa qatysqan barlyq komandaǵa alǵysyn bildirdi.

Jarqyn JANALTAI,

ALMATY