Nysana kózdeýden ÁCh: Qazaqstan quramasy qola medal aldy (FOTO)

Búgin Ázerbaıjannyń astanasy – Baký qalasynda ótip jatqan nysana kózdeýden álem chempıonatynda Qazaqstan qorjynyna alǵashqy medal tústi.

Mádenıet jáne sport mınıstrligi Sport jáne dene shynyqtyrý isteri komıteti Sportty damytý dırekııasynyń habarlaýynsha, stend atýdyń trap baǵdarlamadasynda Marııa Dmıtrıenko men Danııl Pochıvalov juby aralas komandalyq synda qola júldeger atandy. Olar 150 nysananyń 141-in dál kózdedi. Bas júldeni Portýgalııa men AQSh quramasy sarapqa saldy. Bul synda Pıreneı túbeginiń ókilderi dálirek boldy.

Osy synda sapynda Álisher Aısalbaev pen Aıjan Dosmaǵambetova bar elimizdiń taǵy bir quramasy 21-orynǵa turaqtady. Barlyǵy 46 qurama júldege talasty.

Stend atýdan ulttyq qurama keıingi jyldary halyqaralyq jarystarda únemi júldeli oryndardan kórinip júr. Bıyl kóktemde Almaty qalasynda lıenzııalyq Álem kýbogynyń kezeńin ótkizdik. Bul osy sport túrin elimizde nasıhattaý jolyndaǵy aýqymdy jumystyń bir kórinisi. Al búgin bizdiń quramamyz álem chempıonatynyń júldesin jeńip aldy. Aralas komandalyq synda úzdik úshtikti túıindegen Marııa Dmıtrıenko men Danııl Pochıvalovty quttyqtaımyn!, — dedi Sport jáne dene shynyqtyrý isteri komıtetiniń tóraǵasy Erbol Myrzabosynov.

Parıj Olımpıadasynda stend atýdyń trap baǵdarlamasynda aralas juptyq synda júlde sarapqa salynbaıdy, 2028 jylǵy oıyndarda bolady. Onyń ornyn skıt jattyǵýyndaǵy aralas juptyq syn basady.

Aıta keteıik, osymen stend atýdan jarystar aıaqtaldy. Aldaǵy kúnderi jyljymaly nysana kózdeýden úzdikter anyqtalady.

Álem chempıonaty 1 qyrkúıekte máresine jetedi.

Shamken BAIYRBEK,

ASTANA