Qyrǵyzstanda prezıdenttiń kózinshe ulttyq oıyn tóbeleske ulasty (VIDEO)

Qyrǵyzstannyń Osh qalasyndaǵy atshabarda kókbóriden prezıdenttiń kýbogy úshin ótken jarys tóbeleske ulasty. Fınalda Osh oblysynyń «Dostyq» pen Talas aýdanynyń «Yntymaq» komandalary kezdesip, tóreshilerdiń sheshimine qarsy shyqty.

Tóreshiler jeńisti talastyq komandaǵa bergen. Buǵan Oshtyń jankúıerleri ashýlanyp, kókbóriniń sońy shapqynshylyq shaıqasyna ulasyp ketti. Osynyń bári trıbýnada kókbórini tamashalaýǵa kelgen prezıdent Sadyr Japarovtyń kózinshe bolǵan. Memleket basshysy trıbýnada otyryp, basyn shaıqap, eshteńe isteı almaǵan. Onyń túri sharshańqy kóringen.

Kaktus.media portalynyń habarlaýynsha, kókbóri oıynyndaǵy tóbelesten keıin 25 adam Osh qalasynyń mılıııasyna jetkizilgen. Qyrǵyzstannyń Memlekettik ulttyq qaýipsizdik komıtetiniń tóraǵasy Kamchybek Tashıevtiń aıtýynsha, tártipsizdik 5-10 adamnyń kesirinen bolǵan. Olar jeńilgen komanda men jankúıerlerge tóreshilerdiń sheshimi durys bolmaǵanyn aıtyp, arandatqan.

Tóbelesten birneshe adam aýyr jaralanǵan. Birneshe kólik zaqymdanǵan. Qazir kináliler izdestirilip jatyr. Kináliler tabylsa tergeý bolýy múmkin. Bul týraly osy oqıǵaǵa baılanysty QMUQK-niń tóraǵasy arnaıy jasaǵan málimdemesinde aıtty.

Osy kúni kókbóri oıyny bastalmas buryn Osh qalasynda prezıdent Sadyr Japarovtyń qatysýymen Tiýelsizdik kúnine arnalǵan is-shara bolǵan edi. Oǵan Qyrǵyz Respýblıkasynyń eks-prezıdentteri Roza Otýnbaeva men  Sooronbaı Jeenbekov qatysqan.

Dastan KENJALIN,

ASTANA