Atyraý ýnıversıtetiniń stýdenti qol kúresinen álem chempıony atandy

Halel Dosmuhamedov atyndaǵy Atyraý ýnıversıtetiniń 2-kýrs stýdenti Nurym Amanov para-armrestlıngten eresekter arasyndaǵy saıysta (+80 kg) oń qol kúresinen álem chempıony atandy.

Sondaı-aq, atalǵan saıysta ýnıversıtettiń dene shynyqtyrý jáne sport mamandyǵynyń stýdenti Bekzat Rahymjanov (+65 kg) oń qol kúresinen ekinshi oryndy jeńip aldy.

Ǵylym jáne joǵary bilim mınıstrliginiń habarlaýynsha,sportshylar Almatyda ótken Armrestlıngten jáne para-armrestlıngten álem chempıonatyna qatysqan. Onda álemniń 52 memleketinen 1200 sportshy baq synaǵan. Chempıonatta Qazaqstan atynan 256 sportshy el namysyn qorǵady.

Jeńimpaz stýdentter Atyraý oblysyndaǵy «Múgedekterdiń sporttyq klýbynda» jattyǵady. Sportshylardy óńirge belgili sport sheberleri R.Qurman, K.Tarabrın jáne I.Teleýgalıevtar jarysqa daıyndaǵan.

Dastan KENJALIN,

ASTANA