Tennısshi Danılına mıksten AQSh chempıony atandy

Tennısshi Anna Danılına mıksten alǵash ret AQSh chempıony atandy.

Anna Danılına aralas jupta fınalda fınlıandııalyq Harrı Helıovaaramen birge jarystyń birinshi raketkalary, amerıkalyqtar Djessıka Pegýla men Ostın Kraıchekpen bas júldeni sarapqa saldy.

Birinshi partııada qazaqstandyq-fınlıandııalyq jup breık jasap, sol basymdyqty 6:3 esebimen saqtap qaldy.

Olar ekinshi setti de breıkpen bastaǵanymen, amerıkalyqtar tarazy basyn teńestirdi. Esep – 2:2. Sodan keıin Anna men Harrı taǵy bir breıkke jasap, matchty 6:4 esebimen utty. Olar bir saǵattan astam ýaqytqa sozylǵan oıynda 7 eıs jasap, 6 breık-poınttyń teń jartysyn paıdalandy.

Osylaısha, Anna Danılına qazaqstandyq tennısshilerden alǵash ret mıksten «Úlken dýlyǵa» týrnıriniń jeńimpazy atandy.

Dastan KENJALIN,

ASTANA