بۇگىن ءبىز نامىسقا تىرىسىپ وينادىق – ماگومەد اديەۆ

قازاقستان قۇراماسىنىڭ باس جاتتىقتىرۋشىسى ماگومەد اديەۆ ماتچتان كەيىنگى ءباسپاسوز ءماسليحاتىندا ەۋرو-2024 ىرىكتەۋ ءتۋرنيرى اياسىندا سولتۇستىك يرلاندياعا قارسى ويىن تۋرالى پىكىر ءبىلدىردى.

بۇگىن مەملەكەت باسشىسى ماتچتا بولدى. ويىننان كەيىن كيىم اۋىستىراتىن بولمەگە كىرىپ، ءبىزدى قۇتتىقتادى. بۇل، ارينە، ءبىز ءۇشىن ۇلكەن مارتەبە. ساتتىلىك تىلەپ، ازداپ ۇرىستى. ول: «جاتتىقتىرۋشى، ءبىز كوماندانىڭ فيزيكالىق دايىندىعىن جاقسارتۋىمىز كەرەك، — دەدى. مەن ونى دۇرىستاۋعا ۋادە بەردىم.

تاكتيكالىق وزگەرىستەر بولدى. فينلياندياعا قارسى زاينۋتدينوۆ شابۋىلعا شىعىپ وينادى. بۇگىن ءبىز شابۋىلداردى ۇيىمداستىرۋ ۇشىن ونى ارتقا تۇسىردىك. سوسىن قۋات شىققان سوڭ باقتيەر سال شابۋىلعا قاراي وينادى.

كوماندانىڭ جاعدايى ءمىنسىز ەمەس. بۇگىن بۇعان تاعى دا كوز جەتكىزدىك. ويىننىڭ سوڭى ءسال ناشارلاۋ شىقتى.

فيندەرمەن ءۇش ۇپاي الۋ كەرەكتىگى بىزگە قىسىم بولدى. ال بۇگىن ءبىز ودان بەتەر جىگەرمەن شىقتىق. ءبىز تۋرنيرلىك جارىسقا قايتا ورالعىمىز كەلدى. مەنىڭ ويىمشا، بۇل ءبىزدىڭ قولىمىزدان كەلدى. ەندى قيىن ساپارعا دايىندالامىز.

دانيا مەن فينلياندياعا قارسى ويىندارعا دايىندالۋ ءۇشىن ءبىز الماتىعا بارىپ، تابيعي كوگالعا بەيىمدەلەمىز، — دەدى ول.

بۇگىن قازاقستان قۇراماسى سولت.ستىك يرلانديا كومانداسىن 1:0 ەسەبىمەن ۇتتى. قازاقستان ۇلتتىق قۇراماسى كەلەسى ماتچتارىن سىرت الاڭدا دانيا مەن فينلياندياعا قارسى وتكىزەدى. ويىندار 14-ءشى قازاننان 15-ءشى قازانعا قاراعان ءتۇنى جانە 17 قازاندا وتەدى.

باعدات قاليەۆ،

استانا