Búgin biz namysqa tyrysyp oınadyq – Magomed ADIEV

Qazaqstan quramasynyń bas jattyqtyrýshysy Magomed Adıev matchtan keıingi baspasóz máslıhatynda Eýro-2024 irikteý týrnıri aıasynda Soltústik Irlandııaǵa qarsy oıyn týraly pikir bildirdi.

Búgin memleket basshysy matchta boldy. Oıynnan keıin kıim aýystyratyn bólmege kirip, bizdi quttyqtady. Bul, árıne, biz úshin úlken mártebe. Sáttilik tilep, azdap urysty. Ol: «Jattyqtyrýshy, biz komandanyń fızıkalyq daıyndyǵyn jaqsartýymyz kerek, — dedi. Men ony durystaýǵa ýáde berdim.

Taktıkalyq ózgerister boldy. Fınlıandııaǵa qarsy Zaınýtdınov shabýylǵa shyǵyp oınady. Búgin biz shabýyldardy uıymdastyrý úshin ony artqa túsirdik. Sosyn Qýat shyqqan soń Baqtıer sál shabýylǵa qaraı oınady.

Komandanyń jaǵdaıy minsiz emes. Búgin buǵan taǵy da kóz jetkizdik. Oıynnyń sońy sál nasharlaý shyqty.

Fındermen úsh upaı alý kerektigi bizge qysym boldy. Al búgin biz odan beter jigermen shyqtyq. Biz týrnırlik jarysqa qaıta oralǵymyz keldi. Meniń oıymsha, bul bizdiń qolymyzdan keldi. Endi qıyn saparǵa daıyndalamyz.

Danııa men Fınlıandııaǵa qarsy oıyndarǵa daıyndalý úshin biz Almatyǵa baryp, tabıǵı kógalǵa beıimdelemiz, — dedi ol.

Búgin Qazaqstan quramasy Solt.stik Irlandııa komandasyn 1:0 esebimen utty. Qazaqstan ulttyq quramasy kelesi matchtaryn syrt alańda Danııa men Fınlıandııaǵa qarsy ótkizedi. Oıyndar 14-shi qazannan 15-shi qazanǵa qaraǵan túni jáne 17 qazanda ótedi.

Baǵdat QALIEV,

ASTANA