XIX Azııa oıyndary: Qazaqstan quramasy Qytaıǵa bardy (VIDEO)

Qazaqstan quramasy XIX jazǵy Azııa oıyndaryna qatysý úshin Qytaıdyń Hanchjoý qalasyna bardy, dep habarlady Týrızm jáne sport mınıstrliginiń Sportty damytý dırekııasy.

Qytaıǵa sportshylar men komanda ókilderi Almatydan charterlik reıspen jetti. Azıadaǵa birinshi bolyp boks, júzý, ústel tennısi, úlken tennıs, nysana kózdeýden, sý dobynan áıelder quramasy, semserlesý, sporttyq gımnastıka, dzıýdo, regbı-7, gandboldan erler komandasy attandy. Endi budan basqa da sportshylar jarysqa qatysý úshin kestesine sáıkes kele bastaıdy.

Qazaqstan quramasynda barlyǵy 525 sportshy bar. Olar sporttyń 30 túrinen medaldar úshin jarysqa shyǵady. Olardyń 27-si olımpıadalyq sport túri.

Bıylǵy Azııa oıyndary Hanchjoýda 54 sport arenasynda ótedi. Komandalardyń ıeliginde 31 jattyǵý bazasy bolady.

Olımpıadalyq shtab qyzmetkerleri ulttyq quramalardyń Olımpıada qalashyǵyndaǵy barlyq qajetti rásimderden jedel ótýin qamtamasyz etti. Barlyq sportshylar ornalastyrylyp, jarystarǵa daıyndyqty bastap ketti.

Sportshylar men komanda músheleri Hanchjoýda negizinen sporttyq qalashyqta ornalasty. Sondaı-aq Chjezıan provınııasyndaǵy bes shaǵyn atletıkalyq qalashyqta oryn tepti.

Sportshylar úshin sport qalashyǵynyń aýmaǵynda jattyǵýyna, serýendeýine barlyq qolaıly jaǵdaı jasalǵan. Ár komandaǵa dárigerler, massajıst terapevter men psıhologtar bekitilgen, — dedi  UOK bas hatshysy Andreı Krıýkov.

Eske sala ketsek, Azııa oıyndary Hanchjoýda 23 qyrkúıek pen 8 qazan aralyǵynda ótedi. Medaldar sporttyń 40 túrinen oınatylady.  Bul jerde kelisi jylǵy Olımpıadalyq oıyndarǵa qatysýǵa lıenzııalar taratylady.

FOTO: CFP

 

View this post on Instagram

 

A post shared by House of olympic sports of Kazakhstan (@qaz_olympics)