مۇساعالي تاسقاليەۆ — اسىق اتۋ فەدەراتسياسى ءباسپاسوز قىزمەتىنىڭ جەتەكشىسى

بۇگىن بەلگىلى جۋرناليست، اقىن، رەسپۋبليكالىق «سپورت جۇلدىزدارى» جۋرنالىنىڭ باس رەداكتورى، قازاق جۋرناليستيكاسىنىڭ قايراتكەرى، قازاق سپورت جانە تۋريزم  اكادەمياسىنىڭ قۇرمەتتى پروفەسسورى مۇساعالي تاسقاليەۆ  اسىق اتۋ فەدەراتسياسى ءباسپاسوز قىزمەتىنىڭ جەتەكشىسى بولىپ تاعايىندالدى.

بۇگىن ۇلتتىق ويىنىمىز اسىق اتۋ سپورتىنىڭ نەگىزىن قالاۋشى جومارت سابىرجان ۇلى اعام ەكەۋمىز «جۇلدىزاي-2023» ۇلتتىق ينكليۋزيۆتى ويىندارىندا اسىق اتۋ فەدەراتسياسىنىڭ پرەزيدەنتى اسلان سۇلتانوۆپەن كەزدەسىپ، اسىق اتۋ سپورتىن الداعى ۋاقىتتا دامىتۋ جونىندە سۇحباتتاستىق.

جاقىندا عانا فەدەراتسياعا باسشى بولىپ كەلگەن ۇلتتىق سپورت جاناشىرى اسلان قۋانىش ۇلى از ۋاقىتتىڭ ىشىندە كوپتەگەن يگى ىستەردى قولعا الىپ جاتىر.

جومارت سابىرجان ۇلىنىڭ ۇسىنىسىمەن مەن قر اسىق اتۋ فەدەراتسياسى ءباسپاسوز قىزمەتىنىڭ جەتەكشىسى بولىپ تاعايىندالدىم. فەدەراتسيا پرەزيدەنتى كەلىسىمىن بەرىپ، بىرىگىپ جۇمىس ىستەۋگە دايىن ەكەندىگىن جەتكىزدى.

بۇيىرسا ەندى استاناعا كوشىپ كەلۋ كەرەك بولدى.  قۋانىشتى كۇندەرىمىز كوپ بولىپ، اسىعىمىز ارقاشان الشىسىنان تۇسە بەرسىن اعايىن!، — دەدى ول.

ارىپتەسىمىزگە جاڭا قىزمەتى قۇتتى بولسىن دەي وتىرىپ، جاڭا جۇمىسى بەرەكەسىن بەرسىن دەپ تىلەيمىز!

داستان كەنجالين،

استانا