كاسىپكەر ەرلان قوجاسباي ريزابەك ايتمۇحانعا اۆتوكولىك سىيلادى (ۆيدەو)

الماتىدا بەلگىلى كاسىپكەر ەرلان قوجاسباي سەربيانىڭ بەلگراد قالاسىندا كۇرەس تۇرلەرىنەن ءوتىپ جاتقان الەم چەمپيوناتىندا جۇلدەگەر اتانعان بالۋانداردىڭ قۇرمەتىنە وتكەن مەرەكەلىك كەشتە تۇڭعىش رەت قازاق بالۋاندارى اراسىندا ەركىن كۇرەستەن الەم چەمپيونى اتانعان ريزابەك ايتمۇحاندى جەڭىسىمەن قۇتتىقتاپ، Zeekr اۆتوكولىگىن سىيلادى. سونىمەن بىرگە ول وسى كەشتە الەم چەمپيوناتىندا قولا جۇلدە يەلەنىپ، وليمپيادالىق ويىندارعا ليتسەنزيانى جەڭىپ العان ازامات داۋلەتبەكوۆكە دە قۇرمەت كورسەتىپ، وعان اقشالاي ەكى ملن تەڭگەنىڭ سىياقىسىن تاپسىردى.

بۇل مەرەكەلىك كەشكە ەركىن كۇرەستى دامىتۋعا ۇلەس قوسقان جاتتىقتىرۋشىلار مەن ەل نامىسىن قورعاپ جۇرگەن سپورتشىلارىمىز جانە سپورت ارداگەرلەرى ەل ماقتانىشتارىن ارنايى كەلىپ قۇتتىقتادى.

بۇعان دەيىن الماتىعا ءىس-ساپارمەن كەلگەن تۋريزم جانە سپورت ءمينيسترى ەرمەك مارجىقپاەۆ پەن مينيسترلىكتىڭ سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ SADU ارەنا سپورت كەشەنىنە بارىپ، بالۋانداردىڭ وقۋ-جاتتىعۋ جيىنىمەن تانىستى.

داستان كەنجالين،

استانا

فوتو: ۆيدەودان سكرينشوت

 

View this post on Instagram

 

A post shared by SADU ARENA (@saduarena_almaty)

 

View this post on Instagram

 

A post shared by SADU ARENA (@saduarena_almaty)