پۋتينتسەۆا قىتايداعى جارىستىڭ جارتىلاي فينالىنا شىقتى

قازاقستاننىڭ ەكىنشى، الەمنىڭ 81-راكەتكاسى يۋليا پۋتينتسەۆا تەننيستەن قىتايدىڭ گۋانچجوۋ قالاسىندا ءوتىپ جاتقان WTA 250 ءتۋرنيرىنىڭ جارتىلاي فينالىنا شىقتى.

پۋتينتسەۆا شيرەك فينالدا الەمنىڭ 48-ءىنشى، وسى جارىستىڭ 3-راكەتكاسى، گەرمانيالىق تاتيانا ماريامەن كەزدەسىپ، ونى 6:4، 7:6 (8:6) جانە 6:0 ەسەبىمەن جەڭدى.

ەندى يۋليا پۋتينتسەۆا فينالعا شىعۋ ءۇشىن الەمنىڭ 27-ءىنشى، ءتۋرنيردىڭ 1-راكەتكاسى، پولشا وكىلى ماگدا لينەتتپەن كەزدەسەدى.

وسى تۋرنيردەن كەيىن پۋتينتسەۆا ازيا ويىندارىنا قاتىسپايدى. ول ەلەنا رىباكينا مەن الەكساندر بۋبليك سياقتى ازياداعا قاتىسۋدان باس تارتتى. بيىلعى ويىندارعا قازاقستان قۇراماسىنان ەرلەر قۇراماسىندا دەنيس ەۆسەەۆ، بەيبىت جۇقاەۆ، دميتري پوپكو پەن گريگوري لوماكين وينايدى. ال ايەلدەر قۇراماسىندا جىبەك قۇلامباەۆا، گوزال اينيتدينوۆا، ارۋجان ساعىندىقوۆا مەن جانەل رۇستەموۆا قاتىسادى.

ازيا ويىندارىندا بارلىعى 8 تەننيسشى باق سىنايدى.

داستان كەنجالين،

استانا