Pýtıneva Qytaıdaǵy jarystyń jartylaı fınalyna shyqty

Qazaqstannyń ekinshi, álemniń 81-raketkasy Iýlııa Pýtıneva tennısten Qytaıdyń Gýanchjoý qalasynda ótip jatqan WTA 250 týrnıriniń jartylaı fınalyna shyqty.

Pýtıneva shırek fınalda álemniń 48-inshi, osy jarystyń 3-raketkasy, germanııalyq Tatıana Marııamen kezdesip, ony 6:4, 7:6 (8:6) jáne 6:0 esebimen jeńdi.

Endi Iýlııa Pýtıneva fınalǵa shyǵý úshin álemniń 27-inshi, týrnırdiń 1-raketkasy, Polsha ókili Magda Lınettpen kezdesedi.

Osy týrnırden keıin Pýtıneva Azııa oıyndaryna qatyspaıdy. Ol Elena Rybakına men Aleksandr Býblık sııaqty Azıadaǵa qatysýdan bas tartty. Bıylǵy Oıyndarǵa Qazaqstan quramasynan erler quramasynda Denıs Evseev, Beıbit Juqaev, Dmıtrıı Popko pen Grıgorıı Lomakın oınaıdy. Al áıelder quramasynda Jibek Qulambaeva, Gózal Aınıtdınova, Arýjan Saǵyndyqova men Janel Rústemova qatysady.

Azııa oıyndarynda barlyǵy 8 tennısshi baq synaıdy.

Dastan KENJALIN,

ASTANA