SportPress.kz قازاقستان سپورت جاڭالىقتارى
قىتايدىڭ حانچجوۋ قالاسىندا ءوتىپ جاتقان XIX ازيا ويىندارىندا پاۆەل يلياشەنكو مەن كيريلل ستادنيك قازىرگى بەسسايىس جارىسىنىڭ فينالىنا شىقتى.
ىرىكتەۋ كەزەڭىندە سپورتشىلار سەمسەرلەسۋ، 10 مەتردەن نىسانا كوزدەۋ، 200 مەترگە ءجۇزۋ جانە 3 شاقىرىمعا جۇگىرۋدەن سىنعا ءتۇستى. فينالدا وسى جارىستارعا تاعى كونكۋر قوسىلادى.
بۇگىن تۇستەن كەيىن جارتىلاي فينالدا تەمىرلان ابدرايموۆ پەن گەورگي بورودا-دۋدوچكين فينالعا شىعۋ ءۇشىن باق سىنايدى.
ايەلدەردىڭ سايىسىندا جارىسقا قاتىسۋشىلاردىڭ سانى از بولعاندىقتان اناستاسيا كوچەتكوۆا، ەلەنا پوتاپەنكو، ليۋدميلا ياكوۆلەۆا مەن كريستينا ريابوۆا ىرىكتەۋسىز، بىردەن فينالعا شىقتى.
ەرلەر مەن ايەلدەردىڭ فينالدارى 24 قىركۇيەكتە بولادى. ۇزدىك بەستىككە كىرگەن سپورتشىلار وليمپيادا ليتسەنزيالارىن يەلەنەدى. مۇندا ءبىر ەلگە تەك ءبىر جولداما بەرىلەدى.
داستان كەنجالين،
استانا
فوتو: olympic.kz
