SportPress.kz قازاقستان سپورت جاڭالىقتارى
بۇگىن حانچجوۋدا ءوتىپ جاتقان ازيا ويىندارىندا ستەندتىك اتۋدان قازاقستاننىڭ ايەلدەر قۇراماسىندا التىن مەدالدى اسەم ورىنبايمەن جانە زويا كراۆچەنكومەن بىرگە 53 جاستاعى ولگا پانارينا جەڭىپ الدى.
سپورتشى 53 جاسىندا العاش رەت ازيادانىڭ التىن جۇلدەسىن الىپ وتىر.
بىرىنشىدەن، مەن كوپ جاتتىعامىن. ەكىنشىدەن، سپورتشىلار قارتايمايدى. مەن سپورتپەن ءومىر بويى اينالىسىپ كەلەمىن. نىسانا كوزدەۋمەن جاس كەزىمنەن بەرى اينالىسامىن. سوندىقتان قانداي ءبىر جارىس بولسىن وعان قۇلشىنىپ كىرىسەمىن.
مەن بارلىق كوماندالاستارىما العىس ايتقىم كەلەدى. مەنەن كەڭەس سۇراعاندارعا، ارقاشان كومەكتەسۋگە تىرىسامىن. ءبىزدىڭ ۇجىمىمىز وتە تاتۋ. مەنىڭ ويىمشا. بۇل جەڭىس وسى كوماندالىق رۋحتىڭ ناتيجەسى. مەن بۇل مەدالىمدى قارت اتا-اناما ارناعىم كەلەدى. ولار ارقاشان مەنىمەن بىرگە. مەنى ارقاشان قولدار كەلەدى، — دەدى ولگا پانارينا.
ازيادا چەمپيونى مەن رەكوردشىسىنىڭ نەمەرەسى بار. رەكورد دەگەندە بۇگىن كوماندالىق جارىستا ول اسەم ورىنبايمەن جانە زويا كراۆچەنكومەن بىرگە 350 ۇپاي جيناپ، جارىستىڭ رەكوردىن جاسادى.
داستان كەنجالين،
استانا
فوتو: تۇرار قازانعاپوۆ
View this post on Instagram
