سەمسەرلەسۋدەن قازاقستان قۇراماسى – ازيادانىڭ كۇمىس جۇلدەگەرى!

سەمسەرلەسۋدەن قازاقستان ەرلەر قۇراماسى ءحىح جازعى ازيا ويىندارىنىڭ كۇمىس جۇلدەگەرى اتاندى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

ەرلىك سەرتاي، ەلمير ءالىمجانوۆ، رۋسلان كۋربانوۆ، ۆاديم شارلايموۆ كۆارتەتى سارى قۇرلىقتىڭ باستى جارىسىندا جاپونيا قۇراماسىنا 36:35 ەسەبىمەن ەسە جىبەردى.

ەسەپ 31:31 بولىپ تۇرعاندا شەشۋشى دۋەلدە ەلمير ءالىمجانوۆ پەن جەكەلەي سىننىڭ جەڭىمپازى كوكي كانو سەمسەرلەرىن ءتۇيىستىردى. بۇل ايقاس تا تەڭ اياقتالدى (35:35). ال قوسىمشا ۋاقىتتا جاپونيالىق سپورتشى ناتيجەلى سوققى جاساپ، قۇراماسىنا جەڭىس سىيلادى.

قازاقستاننىڭ قۇراماسى موڭعوليانى 45:12، شيرەك فينالدا ۆەتنامدى 45:26، ال جارتىلاي فينالدا گونكونگ قۇراماسىن 45:30 ەسەبىمەن جەڭگەن.

جاپونيا يندونەزيانىڭ دجاكارتا قالاسىندا وتكەن  ازيا ويىندارىنىڭ چەمپيونى، ال قازاقستان قولا جۇلدەگە يە بولعان.

فوتو: تۋريزم جانە سپورت مينيسترلىگى