SportPress.kz Qazaqstan sport jańalyqtary
Bul tómendegi áńgimege uıyp otyryp, ózim shyǵarǵan mátel ǵana
…Qytaıdyń Hanjoý qalasynda ótetin XIX Azııa oıyndaryna qos at jegip, ıaǵnı, qos samolet tizgindep attanǵan Qazaqstan ulttyq qurama komandasynyń ekinshi ushaǵyna aıaq artqan kezde bir qatar aldymda otyrǵan júzi jyly jigit: «Aǵa, meniń ornyma otyryńyz, Sizge yńǵaıly bolady. Mynda aıaq sozyp otyrýǵa bolady eken…» degeni. О́zim de ol qatardyń aldynda qatar joq bolǵannan keıin, ishteı «shirkin, bir qatar aldyǵa tirkemegeni-aı» dep ókinip úlgergenim sol edi. Alǵysymdy jaýdyryp,aıtýly qatarǵa aýysyp aldym da ol azamattyń kishipeıildigine rıza bolyp, jón suradym.
— Atym Azamat, aǵa. Azııa oıyndaryna attanǵan ulttyq qurama komandanyń dárigerler tobynyń jetekshisimin, — dedi.
— Eshteme etpeıdi, aǵasy. Bile-bilse, úlkenge qamqorlyq bul kez-kelgen jas adamnyń paryzy ǵoı…
— E,Azamat aınalaıyn, ony túsinetin bala qaıda degendeı, qazaqy salt-dástúrdiń kóbisi myna taý sýyndaı tasqyndaǵan jahandanýǵa jutylyp bara jatqan joq pa… Seniń tegiń Nurmatov qoı? Estýim bar, balam. Sendeı sergek balalarymyzdyń bar ekenine táýba!
— Rahmet, aǵa! Sizdeı 11 Olımpıada kórgen, 10-15 Azııa oıyndaryna kýá bolǵan, 5 birdeı álemdik fýtbol chempıonatyna kýá bolǵan 25-30 álem, Azııa, Eýropa chempıonattary men álem kýbogyna barǵan aǵany alaqanǵa salmasaq qaı jerimiz qazaq balasy?!- dep kúlimdedi Azamat.
— Má, saǵ-ǵan, sen meniń tarıhymdy menen de artyq bilip otyrsyń ǵoı, Azamat. Olardy qaıdan oqydyń?
— Aǵa, keshe Siz elimizdiń sport mınıstrimen birge ulttyq quramany Hanchjoýǵa shyǵaryp salý rásimine qatysyp, sóz sóıledińiz emes pe…
— Iá, ondaı boldy… Al, sender de osy úlken toptyń mańyzdy bir bóligi ekensińder, áńgime aıta otyryńdar.
— Nesip aǵa, myna sol jaǵyńyz ben oń jaǵyńyzda otyrǵandar da dárigerler, solar Hanjoýǵa jetkenshe ishińizdi pystyrmaıdy. Sol jaǵyńyzdaǵy jigit Berik. Ol bizdiń Sport medıınasy men ońaltý ulttyq ortalyǵynyń bólim bastyǵy. Berikten bárin bilip alasyz. Meniń tý syrtyńyzda otyryp aıqaılaǵanym jón bolmas…
— A, onyń da jón. Al, Berik aınalaıyn, qulaǵym sende, soq áńgimeni. Men jańa ǵana Azamat aıtqan jarystarǵa barǵan kezderde de sport medıınasyn nazardan tys qaldyrǵan emespin. Bile bilgenge sporttyq medıına ol ulttyq komandanyń músheleri men bapkerlerinen birde bir kem emes sala… Sen de tegińdi aıta otyr.
— Durys aıtasyz, aǵasy. Azamat bastaǵan Ortalyq dárigerleri bul Azııa oıyndaryna úlken top bolyp, úlken daıyndyqpen kele jatyrmyz. Biz tek sportshylarǵa ǵana emes, Qazaqstan delegaııasynyń bar múshesine kómek berýge daıynbyz! Qazir, mysaly, Hanchjoýǵa deıingi uzaq ushý kezinde Sizdiń densaýlyǵyńyzǵa da qaraımyz. Meniń tegim Qyńyrbekov Berik bolady, aǵa.
— Rahmet, aınalaıyndar, egde tartsaq ta ózimizdi sportshylardaı daıyndap shyqtyq bul saparǵa. Maǵan kómekteriń qajet bola qoımas. Biraq betalystaryńdy quptaıtyndaı eken. Búkil delegaııaǵa qansha dárigersińder?
— Bizde bylaı, aǵa: ár sport túriniń óz dárigerleri, ońaltýshylary bar. Oǵan qosa Ortalyqtyń top dárigerleri kómekke kelýge daıyn. Osylardyń bárin qosqanda elýge tarta maman barmyz.
— Qaralaryń mol eken. Áli esimde, biz alǵash Olımpıadalarǵa baryp júrgende búkil delegaııaǵa 3-4-aq dáriger erip júretin. Bularyń quptarlyq qozǵalys. Sport sekildi jaraqat degeniń chempıondyqpen qatar júretin jerde sportshylarymyzdy únemi baqylaýda ustaǵan jón. Al, Azııa oıyndaryna attanardaǵy jaǵdaı qalaı boldy, bári atar oqtaı daıyn ba qyz-jigitterdiń?
— Táýba, aǵasy, komanda músheleriniń bári oqý-jattyǵý jıyndaryn ótkizip, sol jerlerde jan-jaqty medıınalyq tekserýden ótti. Barlyǵy qatarda, jaraqat alyp, jarysqa shyǵa almaıdy-aý deıtin atletter joq. Bári sapta!
— O, olaryń tamasha, Berikjan! Al, dári-dármekti mol qylyp aldyńdar ma, qansha degenmen 524 sportshy bar, delegaııa tobynyń sany 800-ge jetedi deıdi. Birer komanda Hanchjoýǵa erte kelip aldy. Bárine suraǵany tabyla ma?
— Árıne, Nesip aǵa, bárin oıladyq, qajet bolady-aý degen dári-dármekti jetkilikti etip alyp kelemiz. Asa qajet bop jatsa, Qytaıyńyzdyń medıınasy orasan alǵa ketken el ǵoı, izdegenimiz bul jerden de tabylyp qalar…
— Bárekeldi! Daıyndyqtaryń jan-jaqty eken. Alla, qytaılarǵa kúnimizdi qaratpasyn. Jaraqat az bolsyn, medal kóp bolsyn!
— Aýzyńyz dýaly ǵoı, aıtqanyńyz kele bersin!
Azamat ta, Berik te bet sıpady. Jaratqanǵa syıynyp, bárin ózi atqaratyn adam balasymyz ǵoı. Bir sát adam janynyń arashashysy sporttyq dárigerlik salaǵa da osyndaı tárbıeli jigitterdiń kelgenine táýba etip, Azamat bosatyp bergen orynǵa jaıǵasyp otyryp, uzaq joldyń shetine shyǵýdy oılap kettim. Oıdan júırik ne bar, oıym Hanchjoýǵa jetip, Qazaqstan ulttyq qurama komandasy músheleriniń sap-saý kúıinde keskilesken shaıqastarǵa túsip jatqanyn saraptap jatty, al ushaǵymyz áli ulan-baıtaq Qazaqstan shekarasynan áli kesip ótpegen de edi…
Nesip JÚNISBAIULY,
sport jýrnalısi, jazýshy, sport qaıratkeri
ALMATY-HANChJOÝ
