ۇيرەت تە ىزگىلىككە ۇيرەن (فوتو)

(ۇستازىم مەنىڭ ۇستازىم)

بۇگىن ەلىمىزدىڭ ءار ايماعىندا مۇعالىمدەر كۇنى اتالىپ ءوتىپ جاتىر.

«ادامنىڭ ادامشىلىعى — اقىل، عىلىم، جاقسى اتا، جاقسى انا، جاقسى قۇربى، جاقسى ۇستازدان بولادى»، دەگەن ەكەن  حاكىم اباي.

بار عۇمىرىن بالا تاربەلەپ ۇستازدىق ەتكەن جانداردىڭ ەڭبەگى ادال، ءىسى بەركەلى-دەپ ايتامىز. كۇن قاتىپ وتباسىن جايىنا قويىپ، وقۋشىلارىنىڭ جايىن-قامىن ويلاپ، ءبىلىم بەرىپ جۇرگەن مۇعالىمدەرگە مىڭ العىس.

«ۇستازسىز شاكىرت تۇل»، دەگەن حالىقپىز. ۇستاز بالانىڭ ومىردە جاقسى ادام بولىپ قالىپتاسۋىنا ىرگەتاسىن مەكتەپتە قالاپ بەرەتىن ءبىلىمى جەتىك، قولىنان شەبىرلىگى شىققان قۇرىلىسشى دەپ تە ايتۋعا بولادى. سوندىقتاندا ۇستاز ءسوزى قۇرمەتتى ءارى قادىرلى.

بۇگىن ۇستازدار كۇنىنە وراي، كاركەن احمەتوۆ اتىنداعى وليمپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجىنىڭ قابىرعاسىندا سالتاناتتى ءىس-شارا بولىپ ءوتتى. ۇستازدارعا ارنالعان مەرەكەلىك ءىس-شارادا سپورت پەن ءبىلىمدى قاتار الىپ ءجۇرىپ بىلمدەرىن جەتىلدىرىپ جاتقان مەكتەپ-ينتەرنات كوللەدج وقۋىشالارى ساحنا تورىندە ءتۇرلى قويىلىمدار قويىپ، ۇستازادىرىنا ءان ء–بيدى تارتۋ ەتتى. مەرەكەلىك شاراعا قاتىسقان ايتۋلى مەكتەپ-ينتەرناتتىڭ ديرەكتورى ەرنار تالاسبەك ۇلى يبرايموۆ ۇزدىك وقىتۋشىلار مەن باپكەرلەرگە ماقتاۋ قاعازدارىن تابىس ەتىپ، ۇلكەن قۇرمەت كورسەتتى. مەرەكەلىك ءىس-شارادان ۇلكەن اسەر العان وقۋشىلار كەزدەسۋ سوڭىندا ەستەلىككە سۋرەتكە ءتۇسىپ، ۇستازدارىن  قۇتتىقتاپ جاتتى.

«ماعان جاقسى مۇعالىم بارىنەن قىمبات، ويتكەنى مۇعالىم-مەكتەپتىڭ جۇرەگ»،  دەگەن ەكەن ىبىراي التىنسارين. ەندەشە، مەكتەپتىڭ جۇرەگى بولعان ۇستازدار مەرەكەسى قۇتتى بولسىن! وسى مەرەكەلىك ءىس- شارا كەزىندە قىتايدىڭ حانچجوۋ قالاسىندا ءوتىپ جاتقان ازيا ويىندارىنان ءسۇيىنشى حابار جەتتى. ۆەلوسپورتتان توپتىق سايىستا ەۆگەني فەدوروۆ توپ جارىپ، التىن جۇلدەگە يە بولعان ەكەن. ال، ەكىنشى جۇلدە دە قازاقستان قۇراماسىنىڭ ەنشىسىندە. جۋىردا عانا چەمپيون اتانعان جەرلەسىمىز  الەكسەي لۋتسەنكو كۇمىس جۇلدەگەر اتانىپتى. ال، سول التىن جۇلدەنىڭ يەگەرى ۆەلوشاباندوز ەۆگەني فەودوروۆ ايتۋلى ك.احمەتوۆ اتىنداعى مەكتەپ-ينتەرناتتىڭ تۇلەگى. ونىڭ ۇستازى — ۆيتالي نيكولاەۆيچ شتىحلين. تالاي- تالاي تالانتتى ۆەلوشاباوندوزداردى دايارلاپ، ۇلى دۇبىرگە قوسىپ كەلگەن ك.احمەتوۆ اتىنداعى مەكتەپ-ينتەرناتتى كوپ جىلدان بەرى ءدارىس بەرەتىن تاجىربيەلى باپكەر ۆيتالي نيكولاەۆيچتى دە شاكىرتىنىڭ جەڭىسىمەن قۇتتىقتاپ قويساق ارتىق بولماس.

ەل نامىسىن وسىلايشا  ابىرويمەن قورعاپ، قازاقستان قورجىنىنا كەزەكتى التىن مەدالدى سالىپ بەرگەن  ەۆگەني فەودوروۆ تامىر جايىپ تاربيەلەنگەن مەكتەپ-ينتەرناتتا قاناتىن قاتايتىپ، ۇلكەن بيىككە جەتىپ جاتىر. جۇلدەمەن قورجىنىمىزدى قامپيتقان تالانتتى سپورتشىلارىمىزدىڭ جەڭىسى ەلىمىز ءۇشىن ۇلكەن قۋانىش دەپ بىلەمىز.

اقىن ورداباي ۇلى،

الماتى