Úıret te izgilikke úıren (FOTO)

(Ustazym meniń ustazym)

Búgin elimizdiń ár aımaǵynda muǵalimder kúni atalyp ótip jatyr.

«Adamnyń adamshylyǵy — aqyl, ǵylym, jaqsy ata, jaqsy ana, jaqsy qurby, jaqsy ustazdan bolady», degen eken  hakim Abaı.

Bar ǵumyryn bala tárbelep ustazdyq etken jandardyń eńbegi adal, isi berkeli-dep aıtamyz. Kún qatyp otbasyn jaıyna qoıyp, oqýshylarynyń jaıyn-qamyn oılap, bilim berip júrgen muǵalimderge myń alǵys.

«Ustazsyz shákirt tul», degen halyqpyz. Ustaz balanyń ómirde jaqsy adam bolyp qalyptasýyna irgetasyn mektepte qalap beretin bilimi jetik, qolynan shebirligi shyqqan qurylysshy dep te aıtýǵa bolady. Sondyqtanda ustaz sózi qurmetti ári qadirli.

Búgin ustazdar kúnine oraı, Karken Ahmetov atyndaǵy Olımpıadalyq rezerviniń arnaıy respýblıkalyq mamandandyrylǵan mektep-ınternat kolledjiniń qabyrǵasynda saltanatty is-shara bolyp ótti. Ustazdarǵa arnalǵan merekelik is-sharada sport pen bilimdi qatar alyp júrip bilmderin jetildirip jatqan mektep-ınternat kolledj oqýyshalary sahna tórinde túrli qoıylymdar qoıyp, ustazadyryna án –bıdi tartý etti. Merekelik sharaǵa qatysqan aıtýly mektep-ınternattyń dırektory Ernar Talasbekuly Ibraımov úzdik oqytýshylar men bapkerlerge maqtaý qaǵazdaryn tabys etip, úlken qurmet kórsetti. Merekelik is-sharadan úlken áser alǵan oqýshylar kezdesý sońynda estelikke sýretke túsip, ustazdaryn  quttyqtap jatty.

«Maǵan jaqsy muǵalim bárinen qymbat, óıtkeni muǵalim-mekteptiń júreg»,  degen eken Ybyraı Altynsarın. Endeshe, mekteptiń júregi bolǵan ustazdar merekesi qutty bolsyn! Osy merekelik is- shara kezinde Qytaıdyń Hanchjoý qalasynda ótip jatqan Azııa oıyndarynan súıinshi habar jetti. Velosporttan toptyq saıysta Evgenıı Fedorov top jaryp, altyn júldege ıe bolǵan eken. Al, ekinshi júlde de Qazaqstan quramasynyń enshisinde. Jýyrda ǵana chempıon atanǵan jerlesimiz  Alekseı Lýenko kúmis júldeger atanypty. Al, sol altyn júldeniń ıegeri veloshabandoz Evgenıı Feodorov aıtýly K.Ahmetov atyndaǵy mektep-ınternattyń túlegi. Onyń ustazy — Vıtalıı Nıkolaevıch Shtyhlın. Talaı- talaı talantty veloshabaondozdardy daıarlap, uly dúbirge qosyp kelgen K.Ahmetov atyndaǵy mektep-ınternatty kóp jyldan beri dáris beretin tájirbıeli bapker Vıtalıı Nıkolaevıchti de shákirtiniń jeńisimen quttyqtap qoısaq artyq bolmas.

El namysyn osylaısha  abyroımen qorǵap, Qazaqstan qorjynyna kezekti altyn medaldi salyp bergen  Evgenıı Feodorov tamyr jaıyp tárbıelengen mektep-ınternatta qanatyn qataıtyp, úlken bıikke jetip jatyr. Júldemen qorjynymyzdy qampıtqan talantty sportshylarymyzdyń jeńisi elimiz úshin úlken qýanysh dep bilemiz.

Aqyn ORDABAIULY,

ALMATY