جانىبەك ءالىمحان ۇلى الەم چەمپيونىن نوكاۋتقا جىبەردى (ۆيدەو)

ورتا سالماقتا WBO چەمپيونى جانىبەك ءالىمحان ۇلى اقش-تىڭ روزەنبەرگ قالاسىندا IBF تيتۋلىنا يە گەرمانيالىق ۆينچەنتسو گۋالتەريمەن جەكپە-جەككە شىقتى. بۇعان دەيىن قازاق بوكسشىسى 14 رەت رينگكە شىعىپ، ءبارىن جەڭىپ، ونىڭ 9-ىن نوكاۋتقا تۇسىرگەن.

وسى جولى دا جانىبەك ءالىمحان ۇلى جەكپە-جەككە ءتاستۇيىن دايىن بولىپ، قولعاپ ءتۇيىستىردى. گەرمانيالىق بوكسشى دا وسال سپورتشى ەمەس. ول وسى كەزگە دەيىن 22 رەت رينگكە شىعىپ، سونىڭ 21-ىندە جەڭگەن. ونىڭ 7-ەۋىن نوكاۋتپەن اياقتاعان. بىرەۋىندە عانا تەڭ تۇسكەن. بيىل شىلدە ايىنان بەرى ورتا سالماقتاعى IBF تيتۋلىن يەلەنگەن.

بوكسشىلاردىڭ جەكپە-جەگى اسا تارتىستى بولدى. جانىبەك ءالىمحان ۇلى 1-راۋندتان باستاپ اشىق ايقاسقا شىعىپ، 6-راۋندتا قارسىلاسىن تەحنيكالىق نوكاۋتقا جىبەردى.

وسى جەڭىستەن كەيىن جانىبەك ءالىمحان ۇلى ەكى بەلبەۋدى يەلەندى. جەكپە-جەكتە قازاق بوكسشىسىنىڭ اۋىر سوققىلارىنان كەيىن تورەشى ايقاستى 6-راۋندتا توقتاتۋعا ءماجبۇر بولدى. وسىلايشا، جانىبەك كاسىپقوي بوكستا 15 رەت جەڭىسكە جەتتى. ال ونىڭ قارسىلاسى 21 جەڭىستەن كەيىن العاش رەت جەڭىلدى.

داستان كەنجالين،

استانا

JANIBEK IS TOO MUCH.

Crown that man، @QazaqStyle 👑👑 pic.twitter.com/hi0B6LEoYo

— Top Rank Boxing (@trboxing) October 15، 2023