Jánibek Álimhanuly álem chempıonyn nokaýtqa jiberdi (VIDEO)

Orta salmaqta WBO chempıony Jánibek Álimhanuly AQSh-tyń Rozenberg qalasynda IBF tıtýlyna ıe germanııalyq Vıncheno Gýalterımen jekpe-jekke shyqty. Buǵan deıin qazaq boksshysy 14 ret rıngke shyǵyp, bárin jeńip, onyń 9-yn nokaýtqa túsirgen.

Osy joly da Jánibek Álimhanuly jekpe-jekke tastúıin daıyn bolyp, qolǵap túıistirdi. Germanııalyq boksshy da osal sportshy emes. Ol osy kezge deıin 22 ret rıngke shyǵyp, sonyń 21-inde jeńgen. Onyń 7-eýin nokaýtpen aıaqtaǵan. Bireýinde ǵana teń túsken. Bıyl shilde aıynan beri orta salmaqtaǵy IBF tıtýlyn ıelengen.

Boksshylardyń jekpe-jegi asa tartysty boldy. Jánibek Álimhanuly 1-raýndtan bastap ashyq aıqasqa shyǵyp, 6-raýndta qarsylasyn tehnıkalyq nokaýtqa jiberdi.

Osy jeńisten keıin Jánibek Álimhanuly eki belbeýdi ıelendi. Jekpe-jekte qazaq boksshysynyń aýyr soqqylarynan keıin tóreshi aıqasty 6-raýndta toqtatýǵa májbúr boldy. Osylaısha, Jánibek kásipqoı boksta 15 ret jeńiske jetti. Al onyń qarsylasy 21 jeńisten keıin alǵash ret jeńildi.

Dastan KENJALIN,

ASTANA

JANIBEK IS TOO MUCH.

Crown that man, @QazaqStyle 👑👑 pic.twitter.com/hi0B6LEoYo

— Top Rank Boxing (@trboxing) October 15, 2023